ကမ္ဘာသစ်လေး ဖန်တီးခြင်း

ဒီနေ့ ကိုမိုးကျော်ဝင်းနဲ့ စကားပြောဖြစ်ပါတယ်။ အစ်ကိုနဲ့ပြောနေရင်းကနေ ဘလော့ကို မြန်မာနိုင်ငံမှာ သုံးလို့အဆင်မပြေနိုင်လို့ စိတ်ညစ်နေတယ်လို့ ပြောဖြစ်တယ်။ ဒါနဲ့ပဲ အစ်ကိုက မြန်မာနိုင်ငံမှာ သုံးမယ်ဆိုရင်တော့ http://sites.google.com မှာ သုံးရင်အဆင်ပြေနိုင်မယ်လို့ ထင်တယ်ဆိုပြီး ပြောတာနဲ့ပဲ အစ်ကို့ရဲ့ အကူအညီနဲ့ ကမ္ဘာသစ်လေးတခုကို ဖန်တီးလိုက်ပါတယ်။ တကယ်လို့များ မြန်မာနိုင်ငံမှာ ဘလော့ကိုဝင်ဖို့ အခက်အခဲတွေ ဖြစ်ပြီး ပိုစ့်အသစ်မတင်နိုင်ခဲ့ဘူးဆိုရင်တော့ နှင်းရဲ့ လိပ်စာအသစ်ကလေးမှာ လာရောက်လည်ပတ်ကြပါလို့ ဖိတ်ခေါ်လိုက်ပါတယ်။ နေရာအသစ်ကလေးကတော့ http://sites.google.com/site/decemberhninblogspot မှာပါ။ ဒီဇင်ဘာနှင်းဆိုတဲ့ နာမည်လေးနဲ့ပဲ ဆက်လက်ပြီးတော့ စိတ်ထဲရှိတာလေးတွေကို မျှဝေနေဦးမှာပါ။

ပြန်တော့မယ် ဇာတိမြေကို

မကြာခင်ရက်ပိုင်းအတွင်းမှာ ဇာတိမြေကို ပြန်ပါတော့မယ်။ အဲဒီအတွက် ဒီရက်ပိုင်းတွေမှာ အလုပ်တွေရှုပ်နေလို့ ဘလော့ကိုလဲ မကြည့်ဖြစ်ပါဘူး။ ဘယ်မှလည်းမလည်ဖြစ်ပါဘူး။ အပြီးလား ပြန်လာမှာလားလို့ မေးကြမယ်ဆိုရင်တော့ စိတ်ထဲမှာ ပြန်မလာချင်တော့ပါဘူး။ အမိမြေကို ထပ်ပြီးမခွဲချင်တော့ပါဘူး။ မိသားစုရဲ့ လိုအပ်ချက် ဘ၀ကပေးတဲ့ တာဝန်တွေကို လွှဲပြောင်းယူရတော့မယ်။ မြန်မာပြည်ကို ပြန်ရောက်ရင် အခုလို ကွန်ပျူတာရှေ့မှာ အချိန်မကုန်နိုင်တော့ပါဘူး။ ကိုယ်နေရမယ့် မြို့လေးကလဲ အွန်လိုင်းမရှိတဲ့နေရာဆိုတော့ ဘလော့ကိုလဲ ပစ်ထားရတော့မယ်။ ဒါပေမယ့် အတတ်နိုင်ဆုံး ဘလော့နိုင်အောင် ကြိုးစားကြည့်ပါမယ်။ တကယ်တမ်း ဘလော့လေးကို ခွဲရမယ်ဆိုတော့ မခွဲနိုင်ပါဘူး။ စ်ိတ်ထဲမှာ နှမျောတသဖြစ်မိသလို ဘလော့မောင်နှမတွေနဲ့လဲ မတွေ့ရတော့ဘူးဆိုတဲ့အသိက လူကိုဝမ်းနည်းစေပါတယ်။ ဘလော့လေးထဲမှာ ၁ နှစ်ကျော် ပျော်ရွှင်နေရတဲ့ ဘ၀လေးကို ဘယ်လိုမှ မမေ့နိုင်ပါဘူး။

နောက်တခုကတော့ မကျော်မခွတတ်တဲ့ ဒုက္ခပါပဲ။ ထိုင်ဝမ်မှာက ကျော်စရာမလိုတော့ မြန်မာပြည်ပြန်ရောက်ရင် ဘလော့ကို ဘယ်လိုဝင်ရမလဲ မစဉ်းစားတတ်တော့ပါဘူး။ တွေ့ရမယ့် အခက်အခဲတွေကတော့ အများကြီးရှိမလားဆိုပြီး တွေးပူနေမိပါတယ်။ မြန်မာပြည်ကို ပြန်ရမယ်ဆိုလို့ ပျော်မိသလို ဘလော့လေးကို ခွဲရမယ်ဆိုတော့ ၀မ်းနည်းမိပြန်တယ်။ ဘလော့ဂါမောင်နှမတွေ ဘလော့ကိုလာလည်တဲ့ သူငယ်ချင်းတွေကို ဒီနေရာကနေ နှုတ်ဆက်လိုက်ပါတယ်။ အချိန်ရရင် အခွင့်အရေးရရင် ဆက်လက်ပြီး ဘလေ့ာနေဦးမှာပါ။

သိတဲ့သူများရှိရင် ပြောပြပေးကြပါ။ နယ်မြို့တွေမှာ ဒစ်ဂျစ်တယ်ဖုန်းရှိရင် အွန်လိုင်းသုံးလို့ရပါသလား။ ဘယ်လိုနည်းတွေနဲ့ သုံးလို့ရသလဲဆိုတာ ပြောပြပေးကြပါနော်။ တချို့ကပြောတော့ ကဒ်နဲ့သုံးလို့ရတယ်လို့ ပြောပါတယ်။ ဘယ်လိုလုပ်ရသလဲဆိုတာ သိရင်ပြောပေးကြပါနော်။

ချစ်သူများနေ့

ချစ်သူများနေ့တဲ့ နှင်းနဲ့တော့ ဘာမှမဆိုင်သလို ဖြစ်နေပါတယ်။ ဒီနေ့ အပြင်ထွက်တော့ ချစ်သူများနေ့အတွက် လက်ဆောင်ပန်းစည်းလေးတွေ ချောကလက်လေးတွေ တကယ်ကိုလိုချင်စရာတွေကြည့်ပါပဲ။ ဒါပေမယ့်လည်းပေါ့လေ ကိုယ့်ကိုလာပေးမယ့်သူမှ မရှိတာ ဘေးကနေလှလိုက်တာလို့ ငေးကြည့်နေရတာပေါ့။ ဒါပေမယ့် ချစ်သူရှိတဲ့ သူတွေအတွက်ကတော့ ဒီနေ့လေးက တကယ်ကို အမှတ်တရဖြစ်စေမှာပါ။ ချစ်သူရှိတဲ့သူများ ပျော်ရွှင်စွာချစ်သူလက်ကိုတွဲလို့ နောက်နှစ်ပေါင်းများစွာကို ဖြစ်ကျော်နိုင်ပါစေ။ ချစ်သူမရှိသေးသောသူများလည်း ချစ်သူများနေ့မှာ မိမိချစ်ရတဲ့သူကို ရှာဖွေတွေ့ပြီး ပျော်ရွှင်နိုင်ကြပါစေ လို့ဆုတောင်းလိုက်ပါတယ်။