ပထမနေ့ခရီး

ကားပေါ်မှာ

အခုသွားတဲ့ နွေရာသီခရီးကတော့ နှင်းတို့အလုပ်က နှစ်စဉ်သွားနေကျ ခရီးစဉ်ဖြစ်ပါတယ်။ တနှစ်နဲ့တစ်နှစ် သွားတဲ့နေရာတွေ မတူညီပါဘူး။ ဒီနှစ်တော့ တောင်ပိုင်းရဲ့ နာမည်ကြီးမြို့ ထိုင်ဝမ်ရဲ့ ဆိပ်ကမ်းမြို့ဖြစ်တဲ့ Kao Hsiung (ကောင်းရှုံ)လို့ခေါ်တဲ့ မြို့ကို ဦးတည်သွားမှာဖြစ်ပါတယ်။ အဲဒီမှာ တစ်ညအိပ်ပြီး နောက်တစ်ရင်ကျရင်တော့ တောင်ပေါ်ကမြို့ကလေးတစ်ခုမှာ တစ်ညတာနားပြီး တိုင်ပေကိုပြန်မှာဖြစ်ပါတယ်။

င်္ခရီးစဉ်ရဲ့ ပထမနေ့

နံနက် ၆ နာရီ ၃၀ မိနစ်မှာ နှင်းတို့ အလုပ်ရုံကနေ ကားစထွက်ပါတယ်။ ကားစီးနေတဲ့အချိန် ၂ နာရီလောက်အထိ ရာသီဥတုက သာသာယာယာနဲ့ ကောင်းမွန်နေသေးတယ်။ လမ်းမှာရှိတဲ့ ပထမနားနေစခန်းကို ရောက်ပြီးတဲ့အချိန်ထိ ရာသီဥတုက ကောင်းနေပါသေးတယ်။ ထိုင်ဝမ်မှာက ကျန်းမာရေးအတွက် စိတ်မပူရပါဘူး။ ခရီးဝေးသွားတဲ့လူတွေအတွက် နားနေစခန်းတွေကို ကောင်းမွန်သန့်ရှင်းစွာ ပြုလုပ်ပေးထားတဲ့အတွက် စိတ်ချမ်းသာဖို့ကောင်းပါတယ်။ နောက်ပြီး အဲဒီနေရာတွေမှာပဲ စားသောက်ဆိုင်တွေကိုပါ သန့်ရှင်းသပ်ရပ်စွာ ဖွင့်လှစ်ရောင်းချပါတယ်။ ကားတွေရပ်နားဖို့အတွက်လဲ သူ့နေရာနဲ့သူ စနစ်တကျ ပြုလုပ်ပေးထားပါတယ်။ အဲဒီစခန်းကနေထွက်ပြီး သိပ်မကြာပါဘူး မိုးကစရွာလာပါတော့တယ်။ ဒီနေ့တော့ ခရီးစထွက်တဲ့နေ့မိုလို့ နေ့လည်စာကို ၁၁ နာရီကျော်လောက်မှာ စားမယ်ဆိုပြီး ၁၁ နာရီကျော်လောက်မှာ နေ့လည်စာ စားကြပါတယ်။

နားနေစခန်းမှာအလှဆင်ထားတဲ့ ကျောက်တုံးလေးတွေ

နေ့လည်စာစားပြီးတော့ ခဏလောက်သွားပြီးတာနဲ့ 9 corners Bridge ကိုရောက်ပါတယ်။ အဲဒါကတော့ ရန်ကုန်က ကန်တော်ကြီးလို ရေကန်ကြီးနဲ့ သဘာဝအတိုင်းဖြစ်နေတဲ့ သစ်တောကို ထိန်းသိမ်းထားတဲ့ ဥယျာဉ်ကြီးပါ။ အဲဒီဥယျာဉ်ထဲမှာ အသားကင်လုပ်စားဖို့အတွက် သီးသန့်နေရာလေးတွေ သတ်မှတ်ပေးထားတာကိုလဲ တွေ့ရပါတယ်။ အဲဒီရေကန်ကြီးကိုမြင်တော့ ရန်ကုန်ကန်တော်ကြီးကို သတိရမိပါတယ်။ အဲဒီဥယျာဉ်ထဲက ပြတိုက်မှာ ပြထားတဲ့ ငါးအကြီးကြီး ၃ ကောင်ကိုလဲတွေခဲ့ရပါတယ်။ ကျွန်းတစ်ခုနဲ့ တစ်ခုကို corners ၉ ခုပါတဲ့ တံတားလေးနဲ့ ဆက်စပ်ပေးထားပါတယ်။ အဲဒီရောက်နေတဲ့ အချိန်မှာတော့ မိုးက ခဏစဲသွားတဲ့အတွက် လမ်းလျှောက်ရတာ အဆင်ပြေပါတယ်။ အဲဒီဥယျာဉ်ထဲမှာ လမ်းလျှောက်နေရင်းပြီး မကြာခင်မှာပဲ မိုးကသည်းသည်းမည်းမည်း ရွာလာပါတော့တယ်။
9 corners Bridge

အသားကင်လုပ်စားတဲ့နေရာ

ပုံမှန်ထက်ပိုကြီးတဲ့ ငါးကြီးတွေ

ပထမ ခရီးစဉ်ထဲမှာက ကောင်းရှုံရောက်ရင် ကမ်းစပ်မှာ စက်ဘီးစီးမယ့် အစီအစဉ်ပါ။ အခုတော့ မိုးကအရမ်းသည်းနေတဲ့အတွက် ဘယ်လိုမှ စက်ဘီးမစီးနိူင်တော့ပါဘူး။ အဲဒီနေရာကို ကားပေါ်ကနေပဲ လှမ်းကြည့်ပြီး ပန်းချီပန်းပုပြတိုက်ကို သွားကြပါတယ်။ Kao Hsiung Museum of fine Arts ကို ညနေ ၄နာရီလောက်မှာ ရောက်ပါတယ်။ အဲဒီပြတိုက်ထဲမှာ ၁၉၀၀ ခုနှစ် ကျော်လောက်ကနေ ကနေ့ခေတ်အထိ ပန်းချီကားတွေ ပန်းပုလက်ရာတွေကို ပြသထားပါတယ်။ ရေဆေး ဆီဆေး ခဲပန်းချီ အစရှိတဲ့ ပန်းချီကားပေါင်းများစွာအပြင် ယပ်တောင်ပန်းချီကိုပါ တွေ့ခဲ့ရပါတယ်။ မော်ဒန်ပန်းချီ ပန်းပုတွေကိုလဲ တွေ့ရပါတယ်။ အဲဒီအချိန်မှာ မိုးက အရမ်းကို ရွာနေတဲ့အပြင် ဓါတ်ပုံရိုက်လို့မရတဲ့အတွက် မရိုက်ခဲ့ရပါဘူး။

အဲဒီပြတိုက်ကို လေ့လာပြီးတာနဲ့ တစ်ညတာ တည်းခိုမည့် Toong Mao ဟိုတယ်ကို သွားကြပါတယ်။ ပထမအစီအစဉ်ကတော့ အဲဒီမှာ ညစာစားပြီးရင် ကောင်းရှုံရဲ့ ညဈေးကို သွားလည်ကြမှာပါ။ အခုတော့ မုန်တိုင်းက ထိုင်ဝမ်ကျွန်းဘေးကနေကပ်ပြီး ဖြတ်သွားတဲ့အရှိန်နဲ့ လေကြီးမိုးကြီးကျနေတာကြောင့် ဈေဆိုင်တွေ ပိတ်တယ်ဆိုပြီး ညဈေးကို မသွားကြပါဘူး။ ဟိုတယ်ကနေ ၃ ၄ မိနစ်လောက် လမ်းလျှောက်လိုက်ရင် ကောင်းရှုံမြို့ရဲ့ နာမည်ကြီး Love River(အိုက်ဟော်)ကို ရောက်ပါတယ်။ မိုးရွာထားတဲ့အရှိန်ကြောင့် မြစ်ရေက ကမ်းပြည့်လုမတတ် ဖြစ်နေပါတယ်။ မိုးရွာနေတဲ့ ကြားပဲ နာမည်ကြီးတယ်ဆိုလို့ ရောက်အောင် သွားကြည့်ခဲ့တာပါ။အရင်လို ရာသီဥတု သာယာရင် လူအများနဲ့ စည်ကားနေတယ်လို့ ပြောပါတယ်။ ဒါပေမယ့် ဒီနေ့တော့ မိုးရွာနေတာကြောင့် လူသူ ကင်းမဲ့နေပါတယ်။ မြစ်ထဲမှာ အပျော်စီးတဲ့ လှေငယ်လေးတချို့ကိုလဲ တွေ့ရပါတယ်။ အပျော်စီးလှေဆိပ်လေးကိုလဲ ပိတ်ထားပါတယ်။ မြစ်ကိုဖြတ်ပြီး ဆောက်ထားတဲ့ တံတားတွေမှာ ရောင်စုံမီးတွေထွန်းထားတာက ညအလှကို ပိုလှစေပါတယ်။ မိုးတွေရွာလို့ ညဈေးပိတ်ပါတယ်လို့ ဘေးလူတွေ ၀ိုင်းပြောတာတောင် စပ်စုချင်တဲ့ နှင်း ရဲ့အကျင့်အတိုင်း အခန်းဖော်အန်တီတွေကို ပူဆာပြီး ညဈေးကို လိုက်ပို့ခိုင်းပါတယ်။ မိုးရွာနေတဲ့ကြားထဲကနေ ညဈေးကိုရောက်အောင်သွားခဲ့ပါတယ်။ ဆိုင်အကုန်လုံးနီးပါး ပိတ်ထားတာကို တွေ့ရပါတယ်။ (ကြားဖြတ်ပြောရဦးမယ်။ မိုးတွေဒီလောက်ထိ သည်းသည်းမည်းမည်း ရွာမယ်မထင်ထားလို့ စီးလာမိတဲ့ ဖိနပ်တွေ အဆင်မပြေတဲ့အတွက် ဖိနပ်တွေ ထပ်ဝယ်ကြ့ရပါတယ်။ နှင်းလဲအပါအ၀င်ပေ့ါ။ ) သရေစာသဘောမျိုးရောင်းတဲ့ ဆိုင်သေးလေး ၅ ဆိုင် ၆ ဆိုင်လောက်တွေ့ရပါတယ်။ နောက်ပြီး အိမ်ဆိုင်သဘောမျိုးရောင်းတဲ့ ဖိနပ်ဆိုင် အိတ်ဆိုင် ၃ ၄ ဆိုင်ကိုလဲတွေ့ရပါတယ်။ အဲဒီဆိုင်တွေကိုပဲဝင်ကြည့်ပြီး ကိုယ်လိုချင်တဲ့ ဖိနပ်နဲ့ စားစရာတချို့ဝယ်ပြီး ဟိုတယ်ကို ပြန်ခဲ့ပါတယ်။ ခရီးစဉ်ရဲ့ ပထမရက်ကတော့ မိုးသည်းထဲမှာပဲ အချိန်ကုန်ခဲ့ပါတယ်။Love River ညမြင်ကွင်း

နှင်းတို့တည်းခိုရာဟိုတယ်

ူ