ကိုယ့်ကိုယ်ကို ပြန်ကြည့်ပါ

ဟိုအရင် ရက်တွေထဲက ဘလော့တွေကို လည်လည်သွားခဲ့တယ်။ ကိုစိုးထက်က ပိတ်ထားတယ်။ အဲဒီလိုပဲ နှင်း လင့်ချိတ်ထားတဲ့ ဘလော့တွေ ပိတ်ပိတ်နေတာကို တွေ့ရတာ ပိုများလာတော့ စိတ်ထဲလဲ မကောင်းပါဘူး။ အမြဲသွားလည်နေကျ အစ်ကိုအစ်မတွေ ဘာလို့များ ပိတ်ပစ်တာလဲဆိုတဲ့ အတွေးတွေ ခဏခဏ၀င်ပါတယ်။ အဲဒီအကြောင်းတွေကိုလဲ မပြောချင်ဘူးလေ ဆိုပြီး မသိချင်ယောင်ဆောင်နေတာ တော်တော်ကြာပါပြီ။ ခုတော့ မပြောပဲ မနေနိုင်တော့လို့ ပြောလိုက်ရတာပါ။

လူတွေဟာ ကိုယ်လုပ်တာကို ကိုယ်မသိပဲ ဘာလို့များ လူများတကာလုပ်တာကို စောင့်ကြည့် အပြစ်တင်ချင်နေတာလဲ။ ကောင်းသည်ဖြစ်စေ ဆိုးသည်ဖြစ်စေ အပြစ်မပြောပဲ အကြံပေးတယ်ဆိုတဲ့ အဆင့်နဲ့ ပြောပြနိုင်ရင် ပိုကောင်းမယ်လို့ထင်ပါတယ်။ ဒါဆိုရင် ပြောပြတဲ့လူအတွက်လဲကောင်းသလို ပြောခံရတဲ့ လူအတွက်လဲ အလွန်ကောင်းပါတယ်။ လူတွေအားလုံးမှာ အမှန်အမှားဆိုတာ ရှောင်မလွတ်တဲ့ အရာတစ်ခုပါ။ မှားသည်ဖြစ်စေ မှန်သည်ဖြစ်စေ လူတစ်ယောက်ကို ဆဲဆိုပြီး အပြစ်ပြောနေရင် နားထောင်နေတဲ့ လူအတွက်လဲ မကောင်းသလို ပြောနေတဲ့လူအတွက်လဲ မကောင်းပါဘူး။ ဘယ်သူမဆို ကောင်းကောင်းမွန်မွန် အေးအေးဆေးဆေး ပြောဆိုတာကို ကြိုက်ကြပါတယ်။ ကိုယ့်ရှေ့မှာ အမှားတစ်ခုကို လုပ်နေတဲ့ လူတယောက်ကို အပြစ်ပြောချင်တယ်ဆိုရင် အဲဒီလူကို ဆဲဆိုပြီး ပြောလိုက်ရင် ဒီလူအမှားကို ပြုပြင်မယ်လို့ သေချာပြောနိုင်မလား။ သေချာတာကတော့ ပြုပြင်ရင်တောင် ဆဲဆိုပြီးအပြောခံရတဲ့အတွက် စိတ်ထဲမှာ မကောင်းသလို ပြောတဲ့လူကိုလဲ သူ့စိတ်ထဲမှာ မကျေနပ်နိုင်ဖြစ်နေမှာ သေချာပါတယ်။ အဲလိုပြောလိုက်တဲ့အတွက် ရှက်ပြီး မလုပ်သင့်တာတွေကို ထပ်ပြီးလုပ်အောင် တွန်းအားပေးလိုက်သလိုလဲ ဖြစ်သွားနိုင်ပါတယ်။ ဒါတွေဟာ ကလေးမှ လူကြီးမှ မဟုတ်ပါဘူး။ လူတိုင်းခံစားတတ်ပါတယ်။ တကယ်ပဲ လူတယောက်ကို ကောင်းစေချင်တယ်ဆိုရင် အကောင်းဘက်ကို ဦးတည်ပြီး ပြောပြပါ။ တစ်ခါပြောမရရင် နှစ်ခါပြောနိုင်တာပဲ။ အသိဥာဏ်ရှိတဲ့ လူတွေဖြစ်နေလို့ ပြောရင်သိကြပါတယ်။ ပြောပါများရင် စိတ်ထဲမှာ အသိတရားဝင်ပါတယ်။

နောက်တစ်ခုက ဟိုလူကတော့ ဘာဖြစ်တယ် ဒီလူကတော့ဘာဖြစ်တယ်လို့ ပြောပြီးရင် ကိုယ်ရောဘာဖြစ်နေလဲဆိုတာ တခါလောက်တော့ ပြန်ကြည့်ပါ။ လူများတကာကိုကြည့် ဂရုတစိုက်လိုက်ပြီး ကြည့်နေရုံနဲ့ မပြီးပါဘူး။ ကိုယ်တိုင်လဲ ဂရုစိုက်ဖို့လိုပါတယ်။ ဥပမာ တစ်ခုလောက် ပြောပြချင်တယ်။ နှင်း တို့မိတ်ဆွေထဲက ဦးလေးကြီးတစ်ယောက် ပန်းနာရင်ကျပ်နဲ့ ရုတ်တရက် ဆုံးသွားပါတယ်။ သူက သူ့မိသားစုက လူတွေကို အရမ်းဂရုစိုက်တတ်တယ်။ မိသားစုဝင်တွေ တခုခုဖြစ်ရင် မပေ့ါဖို့ ဂရုတစိုက်နဲ့လိုက်လုပ်ပေးတတ်တယ်။ ကိုယ်တိုင်ကျတေ့ာ ဘာဖြစ်နေတယ်ဆိုတာကို ဂရုမစိုက်ခဲ့ပါဘူး။ ကိုယ့်မှာဘာရောပါရှိလဲဆိုတာလဲ ဂရုတစိုက် မစစ်ဆေးခဲ့ပါဘူး။ သူများကိုပဲ ဂရုတစိုက်လိုက်ပြောတတ်တဲ့ ဦိးလေးကြီး နောက်ဆုံးတော့ သူ့အသက်ကို ပေးလိုက်ရတာပါပဲ။ အဲဒီတော့ သူများကိုလဲ ဂရုတစိုက်လိုက်ကြည့်သင့်သလို ကိုယ်တိုင်လဲ ပြန်ကြည့်သင့်ပါတယ်။ အဲလိုမဟုတ်ရင် သူများလိုအပ်ချက်တွေကို လိုက်ပြောပြီး သူများအတွက်ကောင်းနေပေမယ့် ကိုယ့်မှာတော့ ပြန်မကြည့်မိတော့ လိုအပ်ချက်တွေ ပိုများလာနိုင်ပါတယ်။

ဘယ်သူ့ကိုမှလဲ စော်ကားအပြစ်ပြောချင်လို့ ဒီစာကို ရေးလိုက်တာမဟုတ်ပါဘူး။ စိတ်ထဲမှာ ခံစားမိတာတွေကို ရေးလိုက်တာပါ။ အခုလို ရေးလိုက်လို့ စောင်းမြောင်းရေးတယ်လို့ ထင်ပြီး မကျေမနပ်ဖြစ်ပြီး ပြောမယ်ဆိုရင်လဲ ပြောနိုင်ပါတယ်။လူတိုင်းမှာ လွတ်လပ်စွာ သဘောကွဲလွဲခွင့် ရှိနေလို့ပါ။ လောကကြီးကို ကိုယ်မြင်သလို ပြောပြလိုက်တာပါ။