တောင်ပေါ်ပင်လယ်

ညောင်ရွှေကနေ အင်းလေးထဲကို စထွက်လာပြီ

လှေဦးထိပ်ကနေ မောင်လေးရိုက်ထားတာပါ။

ရေမိုင်ဘယ်လောက်ရှိလဲဆိုတာ သိရအောင် ဟိုကအမှတ်လေးကိုကြည့်ရတယ်။

အင်းထဲမှာ အခုလို ငါးဖမ်းနေကြတယ်။

ရေပေါ်မှာရှိတဲ့ တည်းခိုခန်းတွေလေ

ဖောင်တော်ဦး ဘုရား

အလိုတော်ပေါက်ဘုရား အတွင်းထဲက ဆင်းတုတော်

အလိုတော်ပေါက်ဘုရား

အင်းလေးထဲမှာ

ညောင်ရွှေမှာ ညအိပ်ဖို့ ရောက်သွားတဲ့အခါမှာ ညောင်ရွှေစာပြန်ပွဲရဲ့ နောက်ဆုံးရက်ဖြစ်နေပါတယ်။ ပွဲဈေးတန်းကလည်း နှင်းတို့တည်းတဲ့နေရာနဲ့ နီးနီးလေးဆိုတော့ ထမင်းစားသောက်ပြီး မောင်နှမတတွေ ပွဲဈေးသွားပတ်ကြပါတယ်။ ရှမ်းမလေးတွေစကားပြောတဲ့ အသံဝဲ၀ဲလေးတွေကို နားထောင်လို့ကောင်းတယ်ဆိုပြီးပါလာတဲ့မောင်လေးကပြောပါတယ်။ ရိုးရာအထည်ဆိုင်တွေမှာ လိုချင်တာတွေ ၀င်ကြည့်ရင်း ဈေးဆစ်ကြတော့ စကားပြောနားထောင်ရတာ ကောင်းလို့ အစ်မရေ စကားများများပြောနော်ဆိုပြီး မောင်လေး၂ ယောက်ကကပ်ပြောလာလို့ ရယ်ရသေးတယ်။ ဈေးတန်းထဲလဲရောက်ရော မိုးကရွာလာလိုက်တာ လူတွေလဲ ခပ်ကျဲကျဲလေးဖြစ်သွားတယ်။ မိုးကလည်း ခဏပဲရပ်သွားလို့ တော်သေးတယ်။ နောက်နေ့ ၁၀ လောက်ဆိုရင် ပွဲဈေးကသိမ်းမှာဖြစ်လို့ နောက်ဆုံးညဆိုတော့ နှင်းတို့လဲ အကုန်လျှောက်ကြည့်လိုက်တယ်လေ။ မြန်မာပြည်အနှံ့က ဈေးသည်တွေ လာရောင်းတာဆိုတော့ တနေရာတည်းမှာ အကုန်တွေ့ခဲ့ရတယ်။ မြန်မာပြည်ရဲ့ ပွဲဈေးနဲ့ ဝေးနေခဲ့တာလဲ တော်တော်ကြာပြီဆိုတော့ ပျော်လဲပျော်ပါတယ်။ ညဘက် တည်းတဲ့နေရာကိုပြန်လာတော့ မာမားတို့က အိပ်ဖို့လုပ်နေပြီ။

ဆည်မြောင်းဧည့်ရိပ်သာမှာ တညအိပ်ပြီးတော့ နောက်တနေ့မနက်ခင်း ၈ နာရီလောက်မှာတော့ အင်းထဲကိုသွားဖို့အတွက် ဆည်မြောင်းက စက်လှေနဲ့ လိုက်ပို့ပေးပါတယ်။ ကြီးကြီးမေ အမျိုးသားက ဆည်မြောင်းက အရာရှိဆိုတော့ သူ့လုပ်ဖော်ကိုင်ဖက်က အင်းလေးမှာတာဝန်ကျနေတာနဲ့ အခုလို အဆင်ပြေပြေ ဖြစ်သွားတာပါ။ ညောင်ရွှေကနေ အရင်ဆုံး ဖောင်တော်ဦးဘုရားကို လိုက်ပို့ပေးပါတယ်။ ဘုရားနားမရောက်ခင်မှာတော့ ရွှေဟင်္သာ ယက်ကန်းရုံက အရောင်းဆိုင်ကို ၀င်ပို့ပေးပါတယ်။ အမှတ်တရ ပစ္စည်းတွေ လိုချင်တဲ့ ရိုးရာအထည်တွေ ၀ယ်လို့ရတယ်ဆိုပြီး စက်လှေသမားက ၀င်ပို့ပေးတာပါ။ အရင် တက္ကသိုလ်တက်တုန်းကလည်း သူငယ်ချင်းတွေနဲ့ ရောက်ဖြစ်ပါတယ်။ အင်းလေးဆိုတာက ခပ်ငယ်ငယ် ၁ နှစ်ကျော်လောက်ကထဲက အိမ်ကမိသားစုလိုက် ဘုရားဖူးသွားဖူးနေတဲ့ နေရာဖြစ်လို့ မစိမ်းဘူးလို့ ပြောလို့ရတယ်။ ရွှေဟင်္သာမှာ လိုချင်တာတွေ ၀ယ်ပြီးတော့ ဖောင်တော်ဦးဘုရားကို သွားဖူးကြပါတယ်။ အင်းလေးဖောင်တော်ဦးဆိုတာ တန်ခိုးကြီးတယ်ဆိုပြီး နာမည်ကြီးတာ အားလုံးသိသလို ဖော်တော်ဦးဘုရားပွဲဆိုရင်လဲ အနယ်နယ်အရပ်ရပ်ကနေ လာတဲ့လူတွေနဲ့ အလွန်စည်ကားပါတယ်။ ဘုရားကိုရောက်တော့ ဖွားဖွားက ဆွမ်းပွဲကပ်ချင်တယ်ဆိုလို့ ဆွမ်းတော်ပွဲဝယ်ပြီး ကပ်လိုက်ပါတယ်။ မောင်လေးနဲ့ ပါပါးကတော့ ဘုရား ၅ ဆူကို ရွှေသင်္ကန်းကပ်ပါတယ်။ ဘုရားဖူးပြီးတာနဲ့ ဘုရားအောက်မှာရောင်းတဲ့ ဈေးဆိုင်တွေကို လျှောက်ကြည့်ကြပါတယ်။ အရင်တခါ လာတုန်းက ဘုရားအောက်က ဈေးဆိုင်တွေပဲရှိပြီး အခုကျတော့ ဘုရားကုန်းတော်ရဲ့ အနောက်ဘက်မှာ ဈေးဆိုင်တန်းတွေကို သီးသန့်ဆောက်ထားပြီး အထည်ဆိုင်တွေ စားသောက်ဆိုင်တွေနဲ့ တော်တော်လေး တိုးတက်လာပါတယ်။ တောင်ကြီးဘက်မှာက ၅ ရက်တဈေးဆိုသလို အဲဒီနေ့က ဖော်တော်ဦးဘုရားဈေးနေ့ဖြစ်လို့ ဘုရားပေါ်မှာ လူတွေပိုစည်ကားနေပါတယ်။ ဘုရားကုန်းတော်မှာလဲ သန့်ှရှင်းသပ်ရပ်ပြီး ပန်းအလှပင်တွေလဲ စိုက်ထားပါတယ်။

ဖောင်တော်ဦးဘုရားကို ဖူးပြီးသွားတော့ အလိုတော်ပေါက်ကို လိုက်ပို့ပေးမယ်ဆိုပြီး အလိုတော်ပေါက်ဘုရားကို သွားကြပါတယ်။ အရင်အခေါက်တွေ လာတုန်းက အလိုတော်ပေါက်ကို မရောက်ဖြစ်ပါဘူး။ အခုတခါမှ ရောက်ဖူးမှာဆိုတော့ စက်လှေသမားကို ကျေးဇူးတင်မိပါတယ်။ အလိုတော်ပေါက်ဘုရားကတော့ ဖော်တော်ဦးဘုရားလောက် မတိုးတက်ပါဘူး။ ဘုရားကိုလည်း တချို့နေရာတွေမှာ ပြန်လည်ပြုပြင်နေတာတွေ့ခဲ့ရတယ်။ ဘုရားကုန်းတော်ကလည်း ဖောင်တော်ဦးလောက် မကျယ်ဘူးလို့ ပြောပါတယ်။ အလိုတော်ပေါက်ရောက်တော့ ဘက်စုံပြုပြင်ဖို့ အလှူငွေထည့်ရင်းနဲ့ အလိုတော်ပေါက် ဆင်းတုတော်ဆိုပြီး ရောင်းနေတာတွေ့တာနဲ့ စိတ်ထဲမှာ ပူဇော်ချင်စိတ်ဖြစ်လာတာရယ် အိမ်မှာကလည်း ဘုရား၉ ဆူပြည့်ဖို့ ၁ ဆူလိုနေတာရယ် တိုက်ဆိုင်တာနဲ့ အလိုတော်ပေါက်ဘုရားကို ၀ယ်ပြီး ပင့်လာခဲ့ပါတယ်။ အဲဒီကနေပြီးတော့ ဘယ်ကိုမှဆက်မသွားတော့ပဲ ညောင်ရွှေကို ပြန်လာခဲ့ပါတယ်။ အင်းလေးထဲက တိုင်တရာကျောင်းတို့ ဘိုတဲတို့ကို မသွားခဲ့ပါဘူး။

အင်းလေးထဲမှာ စက်လှေစီးနေရင်းနဲ့ ဖြတ်သွားနေတဲ့ စက်လှေတွေကို ကြည့်လိုက်တဲ့အခါ စက်လှေပေါ်မှာ ဆိုင်ကယ်တွေတင်လာတာတွေ့ရပါတယ်။ အင်းထဲမှာနေတဲ့လူကလဲ ဆိုင်ကယ်ဝယ်ထားပါတယ်။ အင်းထဲမှာနေတဲ့အချိန် စက်လှေစီးပြီး ညောင်ရွှေလာတဲ့အခါ ဆိုင်ကယ်ကို စက်လှေနဲ့တင်လာပြီး ညောင်ရွှေမှာ ဆိုင်ကယ်စီးတာပါတဲ့။ အင်းလေးထဲမှာလဲ မြေနီကုန်းဆိုတဲ့ ရွာရှိပါတယ်။ အဲဒီရွာနားရောက်ရင် ရေကတခြားနေရာထက် ပိုပြီး နီနေပါတယ်။ နောက်ပြီး ဆည်မြောင်းကနေပြီး စက်တွေနဲ့ သောင်တွေကိုတူပြီး ကျွန်းမျောတွေကို သေသေသပ်သပ်လုပ်နေတာလဲ တွေ့ခဲ့ရပါတယ်။ အင်းလေးထဲက လှေလေးတွေပေါ်မှာ ကလေးငယ်ငယ်လေးတွေ ထိုင်နေတာတွေ့တော့ အသဲယားမိပါတယ်။ နှင်းတို့သာဆိုရင် မထိုင်ရဲဘူးလို့ ပြောလို့ အင်းလေးမှာမွေးတဲ့ကလေးကတော့ ရိုးနေပြီလို့ မာမားကပြောပါတယ်။ အင်လေးထဲရောက်နေတဲ့အချိန် မိုးမရွာလို့ ကံကောင်းတယ်လို့ ပြောရမယ်။ ဟိုးအရင် ဆရာမရယ် သူငယ်ချင်းတွေနဲ့လာတုန်းက လှေပေါ်မှာ မိုးမိတော့ လူကတော်တော်လေး အေးလာသလို ဘေးပတ်လည်ကိုကြည့်လိုက်တော့လဲ ဘာကိုမှ မမြင်ရပဲ ပင်လယ်ထဲရောက်နေသလို ထင်ရပါတယ်။ အဲဒီတုန်းက လိုက်ပို့ပေးတဲ့ ဆရာမရဲ့ မောင်ကပြောပြပါတယ်။ အင်းလေးမှာ မိုးရွားလာတဲ့အချိန်ဆိုရင် ဘေးကပတ်လည်ဝိုင်းနေတဲ့ တောင်တွေကို မမြင်ရတော့သလို ဘေးကိုကြည့်လိုက်ရင် ရေပြင်ကြီးကိုပဲတွေ့ရလို့ တောင်ပေါ်ပင်လယ်လို့ တင်စားပြီး ခေါ်ကြတယ်လို့ ပြောပါတယ်။

အင်းလေးရဲ့ ထူးခြားချက်တွေကို ငယ်ငယ်ကစာထဲမှာ သင်ခဲ့ရသလို လှေကို လက်ဖြင့်မလှော် ခြေဖြင့်လှော်သောအရပ်။ အိမ်ကိုကုန်းတွင်မဆောက် ရေတွင်ဆောက်သောအရပ် ဆိုသလို ကလေးငယ်တွေကအစ လှေကို ခြေထောက်နဲ့လှော်တာမြင်ရလို့ ပါလာတဲ့ မောင်လေးတွေက တအံ့တသြကြည့်ပြီး သဘောတွေကျနေပါတယ်။ သူတို့တွေက တခါမှ မရောက်ဖူးလို့ အခုလိုအံ့သြပြီး သဘောကျနေကြတာပါ။ အခုတော့ အင်းလေးထဲမှာလဲ ဓါတ်တိုင်တွေကို ကျွန်းမျှောတွေပေါ်မှာ ဆောက်ထားပြီး အင်းထဲကရွာတွေကို မီးသွယ်ထားတာတွေ့ရပါတယ်။ စိတ်ထဲကနေ မတော်လို့များ ဓါတ်တိုင်တွေလဲပြီး ရေထဲကျရင် ဘယ်လိုလုပ်မလဲလို့ ကြံဖန်တွေးပူလိုက်ပါသေးတယ်။ အဲလိုတွေ အတွေးပေါင်းစုံနဲ့ ညောင်ရွှေကို နေ့လည် ၁၂ နာရီကျော်လောက်မှာ ပြန်ရောက်လာပါတယ်။ ညောင်ရွှေကနေပြီး တောင်ကြီးကို ဆက်လက်ထွက်ခွာခဲ့ပါတယ်။