၁။ မနက်ခင်းမိုးလင်းလို့ ၆ နာရီမှာ Alarm ကမည်လာတာနဲ့ မဖွင့်ချင်သေးတဲ့ မျက်လုံးကို အတင်းကြိုးစားဖွင့်ရင် ရေချိုးခန်းထဲဝင်ပြီး ရေမိုးချိုး ကိုယ်လက်သန့်စင်လိုက်ပါတယ်။
၂။ ရေချိုးပြီးတာနဲ့ ဘုရားရှစ်ခိုး မေတ္တာပို့ ပါတယ်။ အဲဒါပြီးရင်တော့ ကိုယ်စားချင်တာ ဒါမှမဟုတ် ဦးလေးနဲ့ အဒေါ်ကလုပ်ပေးထားတဲ့ မနက်စာကို အိမ်မှာပဲ စားလိုက်ပါတယ်။
၃။စားပြီးပြီးဆိုရင် အ၀တ်လဲပြီးတာနဲ့ အိမ်ကနေ ၇ နာရီ ၄၀ မိနစ်လောက်မှာ စထွက်ပါတယ်။ ၅ မိနစ် ကျော်ကျော်လောက် လမ်းလျှောက်ပြီးရင်တော့ အလုပ်သွားဖို့အတွက် ကားမှတ်တိုင်ကို ရောက်သွားပါတယ်။
ဒီကားမှတ်တိုင်လေးမှာ မနက်တိုင်း ကားစီးပါတယ်။
ကားပေါ်မှာပါ။၎။ ကားကတော့ သိပ်အကြာကြီး မစီးရပါဘူး။ လမ်းမပိတ်ဘူးဆိုရင် ၁၀ မိနစ်လောက်ပါပဲ။ လမ်းပိတ်ရင်တော့ ၁၅ မိနစ်လောက်ဆိုရင် အလုပ်ရုံနားက မှတ်တိုင်ကို ရောက်ပါတယ်။ အဲဒီမှတ်တိုင်ကနေ ၅ မိနစ်ကျော်ကျော်လောက် လမ်းပြန်လျှောက်လိုက်ရင်တော့ နှင်းအလုပ်လုပ်တဲ့ နေရာကိုရောက်ပါတယ်။
ဒါကတော့ နှင်းအလုပ်လုပ်တဲ့ နေရာပါ။ နှင်းရဲ့အလုပ်ရုံက တိုက်ရဲ့ အပေါ်ဆုံးထပ် ၁၃ ထပ်မှာပါ။
အလုပ်ရုံထဲကနေ မြင်နေရတဲ့ မြင်ကွင်းတွေပါ။
ဟိုးမှာ ၀ိုးတ၀ါးလေး မြင်နေရတဲ့ တိုက်အမိုး ချွန်လေးကတော့ ထိုင်ဝမ်ရဲ့ အမြင့်ဆုံးတိုက် ၁၀၁ အဆောက်အဦးပါပဲ
တောင်တန်းတွေကိုလှမ်းမြင်နေရတော့လဲ တခါတလေ ဘာကိုလွမ်းမှန်းမသိ လွမ်းနေမိပြန်တယ်။၅။ အဲဒီလိုမြင်ကွင်းတွေကို မနက်ခင်း ၈ နာရီ ၃၀ မိနစ်လောက်ကနေ ညနေ ၆ နာရီ ဒါမှမဟုတ် ည ၈နာရီ ၃၀ လောက်အထိ တွေ့မြင်ခဲ့ရပြီးရင်တော့ တနေ့တာ အလုပ်ချိန်အပြီး အိမ်ကို ပြန်လာခဲ့ပါတယ်။ အိမ်အပြန်ကိုတော့ ဦးလေးက နေ့တိုင်း လာကြိုပေးလို့ ကားစီးရတဲ့ ဒုက္ခကနေ ဝေးသွားပါတယ်။
၆။ အိမ်ရောက်တာနဲ့ အ၀တ်လဲပြီး နောက်နေ့ထမင်းချိုင့်ထည့်ဖို့ ဟင်းချက်ပါတယ်။ အားလုံးလုပ်လို့ပြီးရင်တော့ ရေမိုးချိုးလို့ ထမင်းစားချင်စိတ်ရှိရင်လဲ စားလိုက်ပါတယ်။ မိုးချုပ်လို့ရှိရင်တော့ မစားတော့ပဲ တခုခုပဲစားလိုက်ပါတယ်။
၇။ အဲလိုတွေ လုပ်လို့ ပြီးတဲ့အချိန်လောက်ဆိုရင်တော့ ည ၉ နာရီကျော်သွားပါပြီ။ နှင်းရဲ့ ကိုယ်ပိုင်အချိန်ဆိုတာ အခုမှ စတာပါ။ အဲလိုကိုယ်ပိုင်အချိန်လေးမှာတေ့ာ ကွန်ပျူတာရှေ့ ထိုင်ပြီး အချိန်ကုန်လိုက်တာ ည ၁၁ နာရီ ဒါမှမဟုတ် ၁၂ နာရီလောက်မှာတော့ ဦးလေးနဲ့အဒေါ်ရဲ့ မအိပ်သေးဘူးလားဆိုတဲ့ သတိပေးသံနဲ့အတူ အခန်းမီးလေးပိတ်လို့ အဖော်လေးဖက်ပြီး အိပ်လိုက်တာ နောက်တနေ့မနက် နှိုးစက်သံလေး မကြားမချင်းပေါ့။
၁၁ နာရီလောက်ဆိုရင်တော့ သူလေးက နှင်းရဲ့အဖော်လေးဖြစ်သွားပြီ။ ဘယ်တော့မှမပြောင်းလဲတဲ့ အဖော်လေးပေ့ါ။အွန်လိုင်းပေါ်မှာ ဘလော့မှာအချိန်တော်တော်ကုန်တာကို ကိုယ်တိုင်သတိမထားမိပါဘူး။ ဒါပေမယ့်လည်း တနေ့တာမှာ အဲဒီအချိန်လေးကပဲ ကိုယ်လုပ်ချင်တာလုပ်ခွင့်ရတဲ့ ကိုယ်ပိုင်အချိန်လေးဖြစ်လို့ ကျေနပ်မိပါတယ်။ ဒါကြောင့်လဲ ဘလော့လေးကို တန်ဖိုးထားမိတယ်။ ဘလော့ဂါမောင်နှမတွေကိုလဲ ခင်တွယ်မိတယ်။
2 comments:
ညီမ မနှင်းရေ..
daily life အကြောင်းလေး ဖတ်သွားပါတယ်... :)
ခင်မင်လျက်..
ကိုနေလင်း
kya naw win read twar bar tal..
hnin yay...
Post a Comment