သတိရပေးပါ

ကိုယ် ကချစ်လို့စပြောတာပါ
ပြောတဲ့ မင်း အချစ်ထက်
မင်းကိုပြန်ချစ်တဲ့ ငါ့အချစ်က ပိုပါတယ်

သံသယဆိုတာ အမြဲရှိတဲ့ ငါ
မင်း ပြောသမျှယုံလို့
ပုတ်သင်ညိုလေး ဖြစ်နေပြီ

အနိုင်ဆိုတာကို ကြိုက်တဲ့ ငါ
မင်း နဲ့ကျမှ အရှုံးတွေကို
မက်မောတတ်လာတယ်

အချိန်ပေးမှ သဘောကျတဲ့ ငါ
မင်း မပေးတဲ့ အချိန်တွေမှာ
လွမ်းမျက်ရည်လည်တတ်ပြီ

စောင့်ရတာကို မကြိုက်တဲ့ ငါ
မင်း လာမလားလို့
စောင့်နေတတ်ပြီ

သ၀န်တိုတတ်တဲ့ ငါ
မင်း စိတ်ဆိုးမှာစိုးလို့
ပြောမထွက်ခဲ့ဘူး

မြင်နေရက်နဲ့ မခေါ်ရင်
မင်း အလုပ်များနေပြီဆိုတာ
ငါ သိလိုက်ပြီ

မင်းက very busy ဆိုရင်
ဟုတ်ကဲ့
ငါကလည်း I am waiting you ပေ့ါ

ငါ လိုချင်တာ မင်း ဆီကအချစ်
ဖြစ်နိုင်ရင်တော့လေ
တခါတလေ
ငါ့ ကိုသတိရပေးပါ ချစ်သူရယ်

ကဗျာလေးတွေ

တခါလာလည်း အတွေးတွေထဲမှာ ချာချာလည်နေ နောက်တခါလာလည်း ဒီလိုကြည့်ဆိုတော့ လာလည်တဲ့လူတွေလဲ စိတ်ညစ်နေမှာစိုးရတယ်။ ဒီတခါတော့ အနုအရွ ကဗျာလေးတွေကို ကြိုက်တတ်တဲ့ သူငယ်ချင်းတွေအတွက် ကဗျာလေးတွေ စုစည်းပြီး တင်ပေးလိုက်တယ်နော်။ ဖတ်ပြီးသားတွေပါနေရင်လည်း မှတ်မိသွားအောင် ထပ်ဖတ်လိုက်နော် :P အော် ကိုယ်တိုင်ရှာထားတယ်လို့ မထင်နဲ့နော် သူငယ်ချင်း ညီမလေး စုစု ပို့ပေးထားတာတွေကို တစုတစည်းထဲဖော်ပြလိုက်တာ ဟဲ ဟဲ

(ကဗျာလေးတွေ ပို့ပေးတဲ့ စုစုကို ကျေးဇူးတင်ပါတယ်)

သဘာဝပါ

လူတိုင်းအမှားနဲ့ မကင်းနိုင်ကြပါဘူးလေ ဆိုတဲ့စကားကတော့ နှင်း တခုခုလုပ်လို့ မှားသွားတိုင်း ကိုယ့်ဟာကိုယ် အားပေးလေ့ရှိတဲ့ စကားတခွန်းပါပဲ။ မြန်မာစကားပုံတောင်ရှိတယ်လေ။ “မမှားသော ရှေ့နေ မသေသောဆေးသမား” လောကမှာမရှိပါဘူး။ ရှေ့နေပေမယ့်လည်း မှားဘူးကြတာပါပဲ။ ဆေးသမားပေမယ့်လည်း ဆေးမှားပြီး သေတတ်ကြတာပါပဲ။ အသက်ငယ်လို့ အမှားနဲ့ မကင်းတတ်သလို အသက်ကြီးလာပေမယ့်လည်း အမှားနဲ့ မကင်းကြပြန်ပါဘူး။ ဘာလို့များ အမှားနဲ့ မကင်းနိုင်ကြသလဲဆိုရင် လောကကြီးမှာ ဖြစ်ပျက်နေတာတွေကို လူတိုင်းသိနားလည်တယ်ဆိုတာ မရှိမှတော့ တခုမဟုတ်တခု အမှားဆိုတာနဲ့ တွေ့နေဦးမှာပါ။ အဲဒီလို မှားတိုင်းသာ အပြစ်တွေပြောနေမယ်ဆိုရင်တော့ တယောက်နဲ့တယောက် အပြစ်တင်လို့ကို ပြီးမှာမဟုတ်တော့ပါဘူး။
ို
နောက်တခုကတော့ လူတယောက်ရဲ့ စရိုက်သဘ၀ပါ။ လူအများစုက ဒီလိုလုပ်တာက အမှားပဲဆိုတဲ့ သတ်မှတ်ချက်ကြောင့် ဒီလူလုပ်တဲ့အရာဟာ မကောင်းတဲ့ အမှားတခု ဖြစ်သွားတာပါ။ ဥပမာ အရက်ကြိုက်တဲ့ လူတယောက်ကို လူအများက မကောင်းမှန်းသိရက်နဲ့ အမှားကြီးကို လုပ်နေတယ် ဆိုပြီး ပြစ်တင်စကားပြောတတ်ကြပါတယ်။ ဒီလူရဲ့ သဘာဝကိုက အရက်ကိုကြိုက်တယ် သောက်ရမှကျေနပ်နေတော့ ဘေးကလူတွေအပြစ်ပြောလဲ သူကတော့ သောက်နေဦးမှာပါပဲ။ တချို့ကတော့ ပြောဆိုဆုံးမလို့ ရပေမယ့် တချို့ကြတော့ ပြောလို့ကို မရပါဘူး။ ပြောမရတဲ့ အဲဒီလူအပေါ်အပြစ်လိုက်ပြောနေတဲ့ လူပဲ မောရုံရှိမှာပါ။ ဘုရားတောင်မှ ချွတ်လို့ရတဲ့လူကိုပဲ တရားပြပြီး ကျွတ်တန်းဝင်အောင် လုပ်ခဲ့တာပါ။ လူသားတယောက်အနေနဲ့ ဆုံးမစကားကို နားထောင်ပြီး ပြုပြင်တဲ့လူကိုပဲ ပြောဆိုဆုံးမသင့်ပါတယ်။ ဆုံးမလို့မရရင်တော့ သူ့ဘ၀နဲ့သူ သူ့သဘာဝအတိုင်ပဲဆိုပြီး နှလုံးသွင်းရတော့မှာပါ။

အပြောအဆို ရိုင်းစိုင်းတဲ့ လူတယောက်က ကိုယ့်ကို လာပြီး ရိုင်းရိုင်းစိုင်းစိုင်း ပြောဆိုလာရင် လူတိုင်းဒေါသတော့ ဖြစ်တတ်ကြပါတယ်။ အဲဒီလို ဒေါသတွေဖြစ်ပြီး တစ်ဦးနဲ့တစ်ဦး ပြောဆိုနေမယ်ဆိုရင် ပြီးမှာမဟုတ်တော့ပါဘူး။ အပြောအဆို အမူအရာ ရိုင်းတဲ့လူက သူ့သဘာဝအတိုင်း နေမှာပါပဲ။ ကိုယ့်တယောက်ထဲကို ဒီလိုဆက်ဆံတာမဟုတ်ပါဘူး။ လူတိုင်းကို ဒီလိုဆက်ဆံမှာပါ။ ဒါကို သူ့ကိုသွားပြီး အပြစ်ပြော မကျေမနပ်ဖြစ်နေရင် ကိုယ်ပဲ အကုသိုလ်များပါတယ်။ စိတ်ထဲမှာ ဒီလိုလူတွေက ဒီလိုမျိုးတွေပဲလုပ်မှာလို့ တွေးလိုက်ရင် ကိုယ်လဲဒေါသစိတ်မဖြစ်တော့ နေရတာအေးချမ်းပါတယ်။

လူတစ်ယောက်ရဲ့ အပြောအဆိုသဘာဝကို လိုက်ပြီး အပြစ်မပြောပဲ သူ့သဘာဝနဲ့သူ ဆိုပြီး စိတ်ထဲမှာ နှလုံးသွင်းနိုင်ကြပါစေ................

ဝဋ်ဆိုတာ လည်တတ်တယ်

နှင်း တို့ငယ်ငယ်တုန်းကဆိုရင် လူကြီးတွေက အိမ်မှာဟင်းချက်ပြီးသားကို လူမသိအောင် မနှိုက်စားအောင်လို့ ဟင်းခိုးစားရင် ဂျို့ထိုးလိမ့်မယ်ဆိုပြီး ပြောဆို ခြောက်လှန့်ကြပါတယ်။ ကလေးဘ၀တုန်းကတော့ တကယ်ပဲထင်ပြီး ကိုယ်ခိုးစားရင် လူသိမှာပဲဆိုတဲ့အသိ ခိုးလုပ်တာမှန်သမျှ ပေါ်တတ်တယ်ဆိုတဲ့ အသိရယ်ခေါင်းထဲမှာ ၀င်သွားပါတယ်။ သူတပါးမသိအောင်ယူတာ ပိုင်ရှင်ဆီကခွင့်မတောင်းပဲယူတာတွေဟာ ခိုးယူလိုက်တာနဲ့ အတူတူပဲဆိုပြီး အိမ်ကမိဘတွေက ဆုံးမပါတယ်။ ဘာတန်ဖိုးမှမရှိတဲ့ အရာတစ်ခုလို့ ကိုယ့်စိတ်ကထင်ပြီး ခွင့်မတောင်းပဲယူမိရင် ဒါဟာလည်း လူမသိအောင်ယူတာမို့ ခိုးတာပါပဲတဲ့။ ဘယ်လောက်မှတန်ဖိုးမရှိလဲ ပိုင်ရှင်ထံမှာ ခွင့်တောင်းရမှာပါပဲ။ ဒါတွေဟာ လူတစ်ဦးရဲ့ ကိုယ်ကျင့်တရားကို ဖော်ပြတာပါပဲ။ လူမသိအောင် တခါယူဘူးတဲ့နောက်တောာ့ နောက်တခါယူဖို့ကိုလဲ ၀န်မလေးတော့ပါဘူး။ ကြိမ်ဖန်များလာရင်တော့ ကိုယ်ကျင့်တရားကိုပါ ထိခိုက်လာပါတယ်။ အဲဒီလိုမဖြစ်အောင် ကိုယ့်ရဲ့ ကိုယ်ကျင့်တရားကို ကိုယ်တိုင်လေ့ကျင့်ရမှာပါ။

နောက်တခုကတော့ နှင်း ရဲ့ ပါပါး ပြောဆိုဆုံးမနေကျ စကားလေးတခွန်းပါ။ “သူတပါးထမင်းအိုးကို မခွဲရဘူး၊ သူတပါးထမင်းလုပ် မပုတ်ချရဘူး” တဲ့။ ဒီစကားလေးကို အခုထိလဲ ရင်ထဲမှာ မှတ်ထားပါတယ်။ သူတပါးထမင်းအိုးမခွဲရဘူး ဆိုတဲ့စကားကတော့ လူတိုင်းလဲ နားလည်မှာပါ။ မိသားတစု ဒုက္ခရောက်အောင် လုပ်လိုက်တာတွေ။ ကိုယ့်ကြောင့် တခြားမိသားစု စားဝတ်နေရေး မပြေမလည် ဖြစ်သွားတာတွေလို့ ထင်ပါတယ်။ လူတစ်ဦးတစ်ယောက်ကို မကျေနပ်လို့ပဲ ဖြစ်ဖြစ် အနိုင်ရချင်လို့ပဲ ဖြစ်ဖြစ် သူတပါးမိသားစု စားဝတ်နေရေး ကျပ်တည်းသွားအောင်တော့ မလုပ်သင့်ပါဘူး။ ကိုယ့်အတွက်လဲ အကုသိုလ် ဖြစ်စေပါတယ်။ တခြားသူတွေ စားဝတ်နေရေး မပြေလည်ရင် ကိုယ်တတ်နိုင်သလောက် ကူညီရမှာပါ။ အဲဒီလိုမဟုတ်ပဲ ဒုက္ခရောက်အောင်လုပ်ရင်တော့ ကလေးဘ၀တုန်းက လူကြီးတွေပြောသလို လူကောင်ကြီးကြီးနဲ့ ပါးစပ်က အပ်ပေါက်လောက်ပဲရှိတဲ့ သတ္တ၀ါ ဖြစ်လိမ့်မယ်။ အဲဒီလိုဘာကြောင့်ဖြစ်တာလဲလို့ လူကြီးတွေကိုမေးတော့ သူတပါးစားချင်နေတာကို ပိတ်ပင်တားမြစ်ခဲ့လို့ သေရင်အဲဒီဘ၀ကို ရောက်ရတာတဲ့။ တကယ်ပဲ ဒီလိုဘ၀တွေရှိမရှိ ဆိုတာတော့ မသိပေမယ့် ဘုန်းကြီးတရားတွေထဲမှာ ကြားဘူးပါတယ်။

အင်း အဲဒီဘ၀တွေက တကယ်ကြောက်စရာကောင်းတယ်လို့ ပြောကြပါတယ်။ ရေဆာလို့ရေတိုက်မယ့်သူ ရှိရင်တောင် ပါးစပ်က အပ်ပေါက်လောက်ပဲရှိတော့ ဘယ်လိုမှ မသောက်နိုင်ပဲ အော်နေကြရတယ်တဲ့။ အခုလို အပြောနဲ့တင် မျက်လုံးထဲမြင်ကြည့်ရင် တော်တော်လဲ သနားဖို့ကောင်းသလို ဘေးကနေလဲ ဘာမှ မကူညီနိုင်တဲ့ဘ၀ကို ရောက်နေမှာပဲနော်။ အော် သူတပါးစားချင်တာကို ပိတ်ပင်ခဲ့လို့ သူ့အလှည့်ကျတော့ ၀ဋ်လည်တာနဲ့တူပါတယ်။ ၀ဋ်လည်တယ်ဆိုလို့ အရင်ကတော့ သတိမထားမိခဲ့ဘူး။ တကယ်ရောရှိရဲ့လားလို့တောင် ထင်မိတယ်။ ဒါပေမယ့် တကယ်ကိုပဲ သတိထားပြီး စောင့်ကြည့်ရင် ကိုယ်တိုင်ဖြစ်နေတာတွေ ပတ်ဝန်းကျင်မှာ ဖြစ်နေတာတွေဟာ မယုံနိုင်လောက်အောင် တိုက်ဆိုင်နေတာတွေ့ ရပါတယ်။ ဥပမာပြောရရင် နှင်းတို့အမျိုးထဲမှာ အရင်က ကြက်တွေကို ရောင်းတဲ့အလုပ်လုပ်ဘူးပါတယ်။ အဲဒီမိသားစုက ဒါနဲ့ပဲ စီးပွားတက်တော့ လုပ်တာပေါ့။ ကြာတော့ အကုသိုလ်နဲ့ အကျိုးပေးတာ မကောင်းဘူးဆိုပြီး အားလုံးဝိုင်းတားတော့ မလုပ်ပဲ ကားတွေကို ပြောင်းလုပ်ခဲ့တယ်။ ဒါပေမယ့် အရင်လုပ်ခဲ့တဲ့ အကုသိုလ်က အခုမှလာအကျိုးပေးတော့တာပေ့ါ။ ကားကိုမြေပျော့မှာ ရပ်မိတော့ ကားက ယိုင်ပြီးစောင်းကျလာတာကို ဦးလေးက ဇောနဲ့ကားကို သွားမထားတာ မနိုင်လို့ လွှတ်ချလိုက်တော့ ကိုယ်ကိုပိတော့တာပေ့ါ။ ဒါနဲ့ပဲ အရင်ကောင်းနေတဲ့ ခြေထောက်က ၂ လက်မလောက် နိမ့်ပြီး ထော့နင်းထော့နင်း ဖြစ်သွားတော့တာပါပဲ။ ပါပါး တို့ပြောတာကတော့ သူတို့တွေ အရင်က ကြက်တွေအရောင်းအ၀ယ်လုပ်တုန်းက ခြင်းထဲကို ကြက်တွေကိုထည့်ရင် တချို့ကြက်တွေရဲ့ ခြေထောက်တွေ ကျိုးလိုကျိုး အတောင်တွေကျိုးလိုကျိုးနဲ့ အခုတော့ အဲဒီအကုသိုလ်က ကိုယ့်ကိုပြန်ပြီး ၀ဋ်လည်တာနေမှာတဲ့။ အင်းအခုတော့ သူတို့တွေ ဒီအလုပ်ကို မလုပ်တော့ပေမယ့် ကိုယ်ပြုခဲ့တဲ့ အကုသိုလ်က အသေခင်မှာတင် အကျိုးကပေးပါတယ်။ ၀ဋ်လည်တာက နောင်ဘ၀အထိလဲ မစောင့်ဘူးဆိုတဲ့အသိ ၀င်သွားပါတယ်။

အခုနေအချိန်က ဘုရားသာသနာ ၂၅၀၀ ကုန်လို့ သိကြားသာသနာကို ရောက်နေပါပြီ။ ကောင်းတာလုပ်ရင် ကောင်းကျိုးခံစားးရသလို မကောင်းတာကို လုပ်ရင်လဲ မကောင်းတဲ့အကျိုးကို အနှေးနဲ့အမြန် ခံစားကြရပါတယ်။

ဒုက္ခိတဘ၀ကို လက်မခံတဲ့ကောင်လေး

အဲသည်ရွာကျောင်းကလေးမှာ ဆောင်းတွင်းအနွေးပေးသည့် ရှေးမီးဖိုကြီတစ်ခုရှိသည်။ ကျောက်မီးသွေးသုံးသည့် ဗိုက်အိုးကျယ် သံမီးဖိုမျိုး။ ကောင်လေးတစ်ယောက်က နေ့စဉ်နံနက်စောစောလာပြီး မီးမွှေးရသည်။ သူ့ဆရာနှင်း သူ့အတန်းဖော်များ လာလျှင် စာသင်ခန်းလေး နွေးနေအောင်ပေ့ါ။

တစ်မနက် ကျောင်းတက်သူတွေ လာကြသည့်အချိန်မှာတော့ စာသင်ကျောင်းကလေးမှာ မီးတွေ တဟုန်းဟုန်း တောက်နေတာ တွေ့ကြရပါတယ်။ ကျောင်းထဲမှာ သတိမေ့နေသည့် ကောင်လေးကို သူတို့ ၀ိုင်းဝန်း ဆွဲထုတ်ကြသည်။ ကောင်လေးက သေသလား ရှင်သလား မခွဲခြားနိုင်သည့် အနေအထားမျိုး။ သူ့ခန္ဓာကိုယ်အောက်ပိုင်းက မီးတွေအကြီးအကျယ် လောင်ထားသည်။ သူ့ကို နီးရာနယ်မြေဆေးရုံသိူ့ သယ်ယူခဲ့ကြသည်။

ဆေးရုံခုတင်ပေါ်မှာ သတိလစ်တစ်ချက် မလစ်တစ်ချက် ဖြစ်နေသည့်ကြားက ကောင်လေးနားထဲမှာ ဆရာဝန့်စကားသံတွေ မသဲမကွဲကြားနေသည်။ ဆရာဝန်က သူ့မိခင်အား သူ၏သား အသက်ရှင်စရာလမ်း မရှိသည့်အကြောင်း စင်စစ်ခန္ဒာကိုယ် အောက်ပိုင်းတစ်ခုလုံး ယခုလောက် ဆိုးဆိုးဝါးဝါးကြီး လောင်ကျွမ်းပျက်စီးသွားပြီးသည့် နောက်တွင်တော့ အသက်ဆက်မရှင်တာသည်ပင် ကောင်းသေးကြောင်း ပြောကြားနေခြင်း ဖြစ်သည်။

သတ္တိကောင်းသည် သည်ကောင်လေးက သေရမှာကို အလိုမှရှိ။ ငါမသေဘူး။ အသက်ရှင်ရမယ်ဟု သူအဓိဋ္ဌာန်ပြုသည်။ တကယ်ပင်သူအသက်ဆက်ရှင်လာတော့ ဆရာဝန် အံ့အားသင့်ရသည်။ မသေနိုင်တော့ဘူးဆိုတာ သေချာသွားသည့်အချိန် ဆရာဝန်နှင့် သူ့မိခင် ဆွေးနွေးပြောဆိုနေတာ သူကြားရပြန်သည်။ သူ့ခန္ဒာကိုယ်အောက်ပိုင်းက အသားတွေ အမြောက်အမြား မီးကြောင့်ပျက်စီးသွား ခဲ့ပြီဖြစ်ရာ ခြေနှစ်ချောင်းလုံး သုံးမရတော့သဖြင့် တစ်သက်လုံး ဒုက္ခိတဘ၀ဖြင့် နေသွားရလိမ့်မည် ဆိုသည့်အကြောင်းဖြစ်၏။ သည်စကားကြားပြီးသည့်နောက်ပိုင်း ကောင်လေးတစ်ကြိမ် ထပ်၍ အဓိဋ္ဌာန်ပြုသည်။ ငါ လမ်းလျှောက်နိုင်ရမယ် ဒုက္ခိတဘ၀ လုံးဝမရောက်စေရ ဟူ၍။

သို့သော် အဓိဋ္ဌာန်ပြုမည့်သာ ပြုရသည် ခါးအောက်ပိုင်းတစ်ခုလုံးက အသက်မ၀င် လှုပ်ရှားနိုင်စွမ်းမှရှိဖြစ်နေသည်။ ကြုံလှီသေးကွေးလှသော ခြေထောက်နှစ်ချောင်းက အောက်ဘက်မှာ တွဲလောင်းကလေး။ သည်လိုဖြင့် နောက်၌ သူဆေးရုံမှ ဆင်းခွင့်ရခဲ့သည်။ အိမ်တွင်အမေက သူ့ခြေထောက်ကလေးတွေကို နေ့စဉ်နှိပ်နယ်ပေးသည်။ သို့သော် ခြေထောက်တွေက ဘာခံစားမှုမှမရှိ ဘယ်လိုမှလည်း လှုပ်ရှားခိုင်း၍မရ လုံးဝအသုံးမကျဖြစ်နေသည်။ သို့သော်လမ်းထလျှောက်နိုင်ရမည်ဟူသော သန္နိဋ္ဌာန်က ခိုင်မာမြဲ ခိုင်မာဆဲပင်။

အိမ်၌ သူ့ကို အိပ်ရာထဲထားလျှင်ထား မဟုတ်လျှင် ဘီးတပ်ကုလားထိုင်၌ထားလေ့ရှိသည်။ နေသာသောတနေ့ အမေက သူ့ကိုလေကောင်းလေသန့် ရှူရအောင်ဟူ၍ ခြံထဲတွန်းယူသွားပြီးထားသည်။ အဲသည်နေ့မှာ သူက ကုလားထိုင်ထဲချည်း ထိုင်မနေတော့ဘဲ အောက်သို့လှိမ့်၍ဆင်းသည်။ အဲသည်နောက် ခြေထောက်နှစ်ချောင်းကို ဒရွတ်ဆွဲကာ မြက်ခင်းမှာ ၀မ်းလျာထိုး၍ သွားသည်။ သူတို့မြေကွက် အကို ကာရံထားသည့်အဖြူရောင် ခြံစည်းရိုးတန်းဆီ ရောက်အောင်အားခဲပြီး သူသွားသည်။ သည့်နောက်တွင် ခဲယဉ်းပင်ပန်းစွာ အားထုတ်ကြိုးပမ်းကာ သူ့ကိုယ်သူ ခြံစည်းရိုးမှာ တွဲပြီးထူသည်။ ပြီးလျှင် ငါလမ်းလျှောက်နိုင်ရမည်ဟူသော အားမာန်ဖြင့် ခြံစည်းရိုးတန်းတလျှောက် .သည်တတိုင်မှ ဟိုတစ်တိုင် တရွတ်တိုက်လျှက် ရွှေ့သည်။ အဲသည်မှ စတင်ကာ နေ့စဉ်နေ့တိုင်း သည်အတိုင်း ကြိုးစားအားခဲ၍လုပ်ရာ ခြံစည်းရိုးတန်း နဘေးတလျှောက်တွင် ချောမွတ်ညီညာသော လမ်းကြောင်းရာတစ်ခုပင် ထင်လာသည်။ သူ့အဖို့ လောက၌ သူ့ခြေထောင်နှစ်ချောင်း အသက်ဝင်လာအောင် လေ့ကျင့်ပျိုးထောင်ဖို့ထက် ပို၍ထက်သန်လိုလားခဲ့သောအရာ မရှိခဲ့။

သို့နှင့် နောက်ဆုံး၌ နေ့စဉ် နှိပ်နယ်ကုသမှု မဆုတ်မနစ်သော စိတ်ဇွဲနှင့် ခိုင်မာသော သန္နိဋ္ဌာန်တို့ဖြင့် ကြိုးစားအားထုတ်မှုများကြောင့် သူ မတ်တတ်ရပ်လာနိုင်သည်။ သည်နောက်တွင် ထောတီးထော့နဲ့ လမ်းလျှောက်နိုင်လာသည်။ အဲသည်နောက်တွင် လွတ်လွတ်ကျွတ်ကျွတ်။ အဲသည်နောက် ပြေးလာနိုင်သည်။ သူကျောင်းသို့ လမ်းလျှောက်သွားသည်။ သည်နောက် ပြေးသွားသည်။ နောင်တွင်မူ ပြေးရသည်ကို နှစ်သက်ခြင်းသက်သက် အတွက်ကြောင့် လျှောက်၍ ပြေးလေတော့သည်။

ကောလိပ်ကျောင်းရောက်သည့်အခါ ပြေးခုန်ပစ် အားကားသမားအဖွဲ့ထဲမှာ သူပါလာသည်။ နောက်တွင်မူ တစ်ချိန်သောအခါက အသက်ပင်ရှင်မှာ မဟုတ်ဟု ထင်ခဲ့ရသော အသက်ရှင်သည့်တိုင် ဘယ်နည်းနှင့်မျှ လမ်းလျှောက်နိုင်မည် မဟုတ်ဟု ယူဆခဲ့သော ပြေးနိုင်ဖို့ဆိုတာ နည်းနည်းမျှပင် မျှော်လင့်၍မရနိုင်ခဲ့သော အလွန်ဇွဲကြီးလှသည့် ထိုကောင်လေး ဂလင်ကန်နင်ဟမ်သည် တဖက်က ပညာရေးဘက်တွင် ဒေါက်တာဂလင်ကန်နင်ဟမ်ဟူ၍ ဖြစ်လာသည့်ပြင် တစ်မိုင်အဝေးကို ကမ္ဘာပေါ်တွင် အမြန်ဆုံးပြေးနိုင်သူအဖြစ် နယူးယောက်မြို့ မေဒီဆင် စကွဲယား ပန်းခြံကြီးထဲတွင် စံချိန်တင်ပြေးပြနိုင်ခဲ့သည်။ (Burt Dubin ၏ The Power of Determination)

ဒီဘာသာပြန်လေးဖတ်ပြီးတော့ စိတ်ထဲမှာ စိတ်ဓာတ်ကျနေတာတွေ ကိုယ်ဖြစ်ချင်တာတွေနဲ့ ရှုတ်ရှုပ်ခတ်နေတာတွေ ပျောက်သွားပြီး ကိုယ်တကယ်ဖြစ်ချင်ရင် ကိုယ့်စိတ်မှာ စွဲမြဲတဲ့ အဓိဋ္ဌာန်ရှိရမယ်ဆိုတာ သဘောပေါက်လာတယ်။ လူတိုင်းမှာ ကိုယ်ဖြစ်ချင်တဲ့ ဆန္ဒတွေကို ခိုင်ခိုင်မာမာအဓိဋ္ဌာန်ပြုပြီး ကြိုးစားမယ်ဆိုရင် တစ်နေ့တော့ ဖြစ်လာမှာပါ။ မြန်မာပြည်သူတွေ စိတ်ထဲမှာ ဖြစ်ချင်တဲ့ စိတ်ဆန္ဒတွေကို မဖြစ်နိုင်ပါဘူးဆိုပြီး စိတ်မလျှော့လိုက်စေချင်ဘူး။ ဂလင်ကန်နင်ဟမ်လိုပဲ အဓိဋ္ဌာန်ပြုပြီး ကြိုးစားမယ်ဆိုရင် မြန်မာပြည်သူတွေလိုချင်တဲ့ တိုးတက်တဲ့ နိုင်ငံတစ်ခုကို ပိုင်ဆိုင်ရမယ်လို့ ယုံကြည်ပါတယ်။

မေတ္တာငတ်မွတ်လို့ သေဆုံးနေရသူတွေ

ဒီနေ့ ကမ္ဘာမှာ အကြီးကျယ် အဆိုးဝါးဆုံး ရောဂါဟာ
တီဘီလည်း မဟုတ်ဘူး
အနာကြီးရောဂါလည်း မဟုတ်ဘူး
နှစ်သက်လိုလားသူ မရှိတာ။
မေတ္တာထားခြင်း ကြည့်ရှုစောင့်ရှောက်ခြင်း ကင်းမဲ့တာ၊
ပေယျာလကန်အပြုခံရတာတွေပဲ။

ကိုယ်ကာယ ရောဂါတွေကို
သာမန်ဆေးဝါးများ ပေးလို့ရပေမယ့်
အထီးကျန်ခြင်း
စိတ်ပျက်အားလျော့ခြင်း
မျှော်လင့်ချက် ကုန်ဆုံးခြင်းဝေဒနာကိုတော့
မေတ္တာတရားနဲ့သာ ကုစားနိုင်ပါတယ်။

ဒီနေ့ကမ္ဘာမှာ
ပေါင်မုန့်တစ်ဖဲ့အတွက် အသက်င်နေသူတွေ
အမြောက်အမြားရှိနေတာ မှန်သလို
မေတ္တာအကြင်နာလေး
နည်းနည်းမှမခံစားရလို့
သေဆုံးကြမယ့် လူတွေကလည်း
ဒုနဲ့ဒေးပါ။

မာသာ ထရီးဇာ

အတွေးသက်သက်

ွှအခုတလော ကိုယ်နဲ့ စိတ်နဲ့ မကပ်ပဲ အတွေးတွေထဲ တ၀ဲလည်လည်နဲ့ ဘာတွေကိုဖြစ်ချင်လို့ ဘာတွေလုပ်ချင်နေမှန်းကို ကိုယ်တိုင်မသိတော့ပဲ ရှိနေပါတယ်။ တခါတလေ ကိုယ့်ကိုကိုယ် ရူးများရူးနေပြီလားလို့ ထင်မိတယ်။ သူငယ်ချင်းကိုပြောတော့ ကိုယ်တိုင်ရူးနေပြီလို့ ထင်တဲ့သူက မရူးသေးလို့တဲ့ အင်း ဒီစကားအရဆိုရင်တော့ နှင်း တယောက် မရူးသေးဘူးလေ ဆိုပြီး ကိုယ့်ကိုကိုယ် အားပေးလိုက်ရတယ်။

သူငယ်ချင်းကပြောသေးတယ် လောကမှာ လူတိုင်းဟာ အတွေးကိုယ်စီနဲ့ ရူးနေကြတာတဲ့။ ဒါကို ဟိုတယောက်ကတော့ ရူးနေပြီလို့ သူတပါးကို ပြောတဲ့လူက သူကိုယ်တိုင် ရူးနေမှန်း မသိလို့တဲ့။ ကိုယ်တိုင်ရူးနေပြီလို့ ပြောတဲ့လူက လူတိုင်းမှာ ဖြစ်တတ်တာကို တကယ်သိတဲ့လူတဲ့။ ဟုတ်မဟုတ်တော့ သေချာမသိဘူး။ ဒါပေမယ့် လူတိုင်းမှာတော့ ဖြစ်ချင်တဲ့ ဆန္ဒတွေနဲ့ ကိုယ်လိုချင်တာတွေကို အတွေးတွေနဲ့ စိတ်ကူးလေးတွေယဉ်ပြီး ရူးနေကြတာကိုတော့ ကိုယ်တိုင်ကလဲ ဖြစ်နေတော့ သူပြောတာ ဟုတ်သလိုပဲဆိုပြီး တွေးမိတယ်။

အခက်အခဲတစုံတခု တွေ့ကြုံလာတဲ့အခါမှာ လူတွေဟာ ကိုယ်ဖြစ်ချင်တာတွေကို ပြောတတ်ကြပါတယ်။ တခါတလေ တကယ်ဖြစ်နေတာတွေအပြင် ကိုယ်ဖြစ်ချင်တာတွေကို ပြောနေကြတဲ့အခါ ပြောပါများလာတော့ နားထောင်နေတဲ့လူတွေက သူဖြစ်ချင်တာတွေ ပြောနေတာကို တကယ်များဖြစ်နေတာလားဆိုတဲ့ အတွေးတွေ ၀င်သွားပါတယ်။ တကယ်များ ဖြစ်လာမလားဆိုတဲ့ အတွေးနဲ့ မျှော်လင့်နေတတ်ပါတယ်။ သူတပါးကို ပြောပြချင်တယ်ဆိုရင်လဲ ကိုယ်ဖြစ်ချင်တာတွေကို မပြောပဲ တကယ်ဖြစ်နေတာတွေကိုပဲ ပြောရမယ်ဆိုတဲ့ အတွေး ၀င်လာပါတယ်။

အတွေးဝင်တယ်ဆိုလို့ အဲဒီတွေးကပဲ လူကိုတော်တော် နှိပ်စက်ပါတယ်။ တခါတလေ တဖက်လူက မအားလို့ ကိုယ့်ကို စကားပြန်မပြောနိုင်တာကို ကိုယ်က အတွေးတွေလွန်ပြီး ငါ့ကိုများ မပြောချင်လို့လား? ဘာလားဆိုတဲ့ မေးခွန်းအတွေးတွေထဲမှာ လည်နေပြီး စိတ်ဆင်းရဲနေရတာကို တဖက်လူက သိမှာတောင် မဟုတ်ပါဘူး။ အင်း ဒါကြောင့် တွေးတိုင်းလဲ မကောင်းပါလားနော်။

စိတ်ဆိုတာ ထားတတ်ရင်ရပါတယ်

စိတ် ဆိုတာ ထားတတ်မှရတယ်ဆိုတာ လူတိုင်းသိပါတယ်။ စိတ်မထားတတ်ရင် လူပင်ပန်းသလို တရားကျင့်နေပါတယ်ဆိုတဲ့ လူတွေတောင် စိတ်မထားတတ်ရင် တရားမရပါဘူး။

တခါက ဘုန်းကြီးနှစ်ပါး ခရီး တခုကို အတူတူသွားကြတယ်။ တနေရာရောက်တော့ ချောင်းတခုကို ဖြတ်ကူးပြီးမှ ခရီးကိုဆက်သွားရမယ်။ ဒီအချိန်မှာ အမျိုးသမီးတဦးကလည်း ချောင်းကို ဖြတ်ကူးဖို့အတွက် အခက်အခဲတွေ့နေပါတယ်။ ရဟန်းနှစ်ပါးကို အကူအညီတောင်းပါတယ်။ ရဟန်းနှစ်ပါးစလုံးဟာ ၀ိနည်းကိုလိုက်နာကြတဲ့ ရဟန်းတွေ ဖြစ်တာကြောင့် အမျိုးသမီးကို ထမ်းပြီး တဘက်ကမ်းကို ပို့ပေးဖို့ဆိုတာ မဖြစ်နိုင်ပါဘူး။ အဲဒီလိုအတွေးတွေရှိနေတာကြောင့် ပထမရဟန်းက အကူအညီမပေးနိုင်ကြောင်း ငြင်းဆိုလိုက်ပါတယ်။ ဒီအချိန်မှာ ဒုတိယ ရဟန်းက သူကူညီပြီး တဘက်ကမ်းကို ပို့ပေးမယ်လို့ဆိုပါတယ်။ အဲဒီအခါ ပထမရဟန်းက ကန့်ကွက်ပါတယ်။ ၀ိနည်းတော်နဲ့ မညီတာကို မပြုလုပ်ဖို့ တားမြစ်ပါတယ်။ ဒါပေမယ့် ဒုတိယရဟန်းက အမျိုးသမီးကို ထမ်းလို့ တဘက်ကမ်းကို ပို့ပေးပြီး ခရီးဆက်ခဲ့ပါတယ်။ ခရီးလမ်းတလျှောက် ပထမရဟန်းက ဒုတိယရဟန်းကို အမျိုးသမီးကို ကူညီခဲ့တာကို ပြောဆိုပြစ်တင်လာပါတယ်။ ဒီအခါမှာတော့ ဒုတိယရဟန်းက ကိုယ်တော် တပည့်တော်က အမျိုးသမီးကို ချောင်းတဘက်ရောက်အောင်ပဲ ထမ်းပြီးပို့ပေးခဲ့တာ။ ကိုယ်တော်က အမျိုးသမီးကို အခုထိထမ်းလာတာပဲ လို့ပြောလိုက်ပါတယ်။ အဲဒီကျမှပဲ ပထမရဟန်းလဲ ကိုယ့်စိတ်ကို ပြန်လည်ဆင်ခြင်မိပါတော့တယ်။ စိတ်အစွဲက လူကို ဒုက္ခပေးပါတယ်။ စွဲလမ်းမှုကို ဖြတ်နိုင်ရင်တော့ အကောင်းဆုံးပါ။

လူတစ်ဦးတစ်ယောက်ကို စွဲလမ်းနေတာဟာလည်း ကိုယ့်စိတ်ကို ဒုက္ခပေးနေတာပါပဲ။ လူတိုင်းမှာတော့ စွဲလမ်းမှုတွေ ရှိပါတယ်။ ဒါတွေကို အတတ်နိုင်ဆုံး ထိန်းသိမ်းနိုင်ရင် အဲဒီစွဲလမ်းမှုကြောင့် ရလာမယ့် စိတ်ဆင်းရဲမှုတွေ စိတ်ဒုက္ခတွေကို မခံစားရတော့ပါဘူး။

အခုလဲ မြန်မာပြည်က ဒုက္ခသည်တွေကို အလှူငွေတွေ လှူဒါန်းနေကြတာနဲ့ ပက်သက်ပြီး အမျိုးမျိုး ပြောဆိုနေကြပါတယ်။ တချို့ကလည်း သူတပါးက စေတနာနဲ့ အခမဲ့ အကျိုးဆောင်ပြီး ကူညီနေတာကို အကောင်းမမြင်ပဲ ကိုယ့်စိတ်ရဲ့အထင် အများအပြောနဲ့ အပြစ်တင်နေပါတယ်။ ကိုယ်တိုင်လဲ မလုပ်နိုင် သူတပါးလုပ်နေတာကိုလဲ အားမပေးနိုင်။ လိုက်ပြီးပြစ်တင်ဝေဖန်ပြီး အကျိုးမရှိတဲ့ အလုပ်တွေကို အချိန်ကုန်ခံပြီး လုပ်နေပါတယ်။ တကယ်လို့များ ကိုယ်အပြစ်တင်လိုက်တဲ့လူက တကယ်ကိုပဲ စေတနာသန့်သန့်နဲ့ အများအကျိုးကို ဆောင်ရွက်နေတာဆိုရင် ပြစ်တင်ဝေဖန်နေတဲ့ လူအတွက် အကုသိုလ်တွေရနေမှာပါ။ ကိုယ်သာစိတ်ထားတတ်ရင် အကုသိုလ်ဆိုတာလည်း မရတော့ပါဘူး။ ကိုယ်လုပ်နိုင်ရင်လုပ်လိုက်ပါ။ ကိုယ်မလုပ်နိုင်လို့ သူတပါးလုပ်နေတာကိုတော့ ဘာမှမပြောမိတာအကောင်းဆုံးပါ။ ကိုယ့်ရဲ့စိတ်ထား မထားတတ်ရင် ကိုယ်ပဲ အကုသိုလ်ရနေမှာပါ။ ကိုယ့်စိတ်ကို ကိုယ်အတတ်နိုင်ဆုံး ထိန်းသိမ်းးနိုင်ကြပါစေ။

သိပ်ချစ်ရတဲ့ ပါပါး မွေးနေ့

ဒီနေ့ကတော့ နှင်းဘ၀ရဲ့ ကျေးဇူးရှင် မွေးဖခင်ဖြစ်တဲ့ ပါပါးရဲ့ မွေးနေ့ပါ။ ပါပါးအတွက် အမှတ်တရ ဘာမှမလုပ်ပေးနိုင်ပါဘူး။ ဒါကြောင့် ပါပါးမွေးနေ့မှာ အမှတ်တရ ရင်ထဲက စကားလေးတွေကို ရေးဖြစ်ခဲ့တာပါ။ နှင်း ကသားသမီးတစ်ယောက်ဖြစ်ပြီး ဖခင်အတွက် ဘာမှမလုပ်ပေးနိုင်ပေမယ့် ပါပါးကတော့ နှင်း အတွက်ကို အရာရာလိုအပ်သမျှ ဖြည့်ဆည်းပေးခဲ့ပါတယ်။ မိခင်လိုတမျိုး ဖခင်လိုတမျိုး အရာရာကို ဂရုတစိုက် လိုက်ပြီးပြောပြတတ်ပါတယ်။ မာမားပြောပြီး စိတ်ပူရမယ့် အရာတွေကိုလဲ ပါပါးကပါ စိတ်ပူပေးတတ်ပါတယ်။ ငယ်ငယ်ထဲက ပါပါးကို အရမ်းချစ်ခဲ့ပါတယ်။ နှင်း တို့ကို အလိုလိုက်လွန်းလို့ မာမားနဲ့ စကားခဏခဏ များရပါတယ်။ တခုခု စားချင်လို့ ပူဆာလိုက်ရင် ရအောင်ရှာဝယ်ပေးတတ်သလို မပူဆာပဲနဲ့လဲ သားသမီးတွေစားရအောင် အမှတ်တရ ၀ယ်လာတတ်တာက ပါပါးရဲ့ အကျင့်ပါ။ သားသမီးတွေ အ၀တ်အစား အသုံးအဆောင် အသစ်သုံးနေရင် ကျေနပ်နေပေမယ့် ကိုယ်တိုင်တော့ ဘယ်တော့မှ အသစ်ဝယ်မသုံးပါဘူး။ ပါပါးလိုချင်ရင် ၀ယ်သုံးပါပြောရင် မလိုအပ်ပါဘူး ရပါတယ် လို့ပြောပြီး ဘယ်တော့မှ ၀ယ်မသုံးပါဘူး။ ပစ္စည်းအသစ်အဆန်းလေး သူများသားသမီးတွေသုံးနေတာတွေ့ရင် လာပြောပြတတ်ပြီး သားတို့သုံးချင်ရင် ၀ယ်သုံးပါလားလို့ ပြောတတ်တဲ့ ပါပါးပါ။ နေပူမရှောင် မိုးရွာမရှောင် အိမ်အပြင်ထွက်ပြီး စီးပွားရှာနေရပေမယ့် မောလိုက်တာရယ်လို့ တခွန်းမညည်းခဲ့ပါဘူး။ အလုပ်တွေ အဆင်မပြေရင်လဲ တယောက်ထဲ ခေါင်းကိုက်ခံ စိတ်ဆင်းရဲခံပြီး ရအောင်ဖြေရှင်းတတ်ပါတယ်။ သားသမီးတွေကို ဘယ်တော့မှ စ်ိတ်မဆင်းရဲစေချင်တဲ့ ဖခင်တစ်ယောက်ပါ။ နှင်း တို့ကို သူငယ်ချင်းလိုတမျိုး ဖခင်လိုတမျိုး ဆက်ဆံတတ်ပါတယ်။ ဘာမဆို ပွင့်ပွင့်လင်းလင်း ပြောဆိုတိုင်ပင်လို့ရတဲ့အတွက် ပါပါးကို အရမ်းချစ်ပါတယ်။ နှင်း ဘ၀ရဲ့ အရေးကြီးတဲ့ အရာတွေကို ပြောပြရင် နားထောင်ပေးတတ်ပြီး အဖြေရှာပေးတတ်ပါတယ်။ နှင်း အရွယ်ရောက်လာတော့ အလုပ်ကိစ္စတွေကအစ တိုင်တိုင်ပင်ပင် ပြောပြတတ်တဲ့ အတွက် ပါပါးကို ကျေးဇူးလဲ တင်မိပါတယ်။ ကိုယ်နားမလည်တဲ့ အလုပ်တွေကို နားလည်အောင်လဲ သင်ကြားပေးတတ်ပါတယ်။ ပါပါးနဲ့ ပက်သက်တဲ့အရာတွေကို ပြောရမယ်ဆိုရင် ပြောလို့မကုန်နိုင်ပါဘူး။ ကျေးဇူးတွေကလဲ ဆပ်လို့မကုန်နိုင်ပါဘူး။ ပါပါး ကျန်းကျန်းမာမာနဲ့ နှင်းတို့နဲ့အတူ နှစ်ပေါင်းများစွာ နေသွားနိုင်ပါစေလို့ပဲ ဆုတောင်းမိပါတယ်။ ဒီနေ့ကျရောက်တဲ့ ပါပါးရဲ့ မွေးနေ့လိုပဲ နောင်လာမယ့် မွေးနေ့တွေမှာလဲ အခုလို မိသားစု စုံစုံလင်လင်နဲ့ ကျော်ဖြစ်နိုင်ဖို့ကိုပဲ မျှော်လင့်ပါတယ်။

မိသားစုအတွက် မိုးကောင်းကင်
သားသမီးတွေကို ချစ်ခင်
ဇနီးကို ကြင်နာတတ်တဲ့
ဒုက္ခမှန်သမျှ ကျော်ဖြတ်ပြီး
ပန်းခင်းလမ်းကို လျှောက်ခိုင်းခဲ့တဲ့
မွေးသဖခင် ကျေးဇူးရှင် ပါပါး
ကျန်းမာပျော်ရွှင်ဖို့
သမီးတယောက် တောင်းဆုပြုလိုက်ပါတယ်

ပါပါး မွေးနေ့ကို လာရောက်ဆုတောင်းပေးကြလို့ သူငယ်ချင်း မိတ်ဆွေများကို အထူးကျေးဇူးတင်ပါတယ်။

ဘာအဓိကလဲ

အဖွဲ့အစည်းကို ခင်တွယ်တာက အဓိကလား
လုပ်ဆောင်ချက်ကောင်းဖို့က အဓိကလား
ဲ
လူကိုခင်တာ အဓိကလား
အဲဒီလူ စွမ်းဆောင်ရည်က အဓိကလား

ကိုယ် ကောင်းစားဖို့ အဓိကလား
အများအကျိုးဆောင်ရွက်ချင်တာ အဓိကလား

ကိုယ့်အဖွဲ့အနိုင်ရဖို့ အဓိကလား
ကိုယ့်တိုင်းပြည် တိုးတက်ဖို့က အဓိကလား

အပြစ်တွေပြောနေဖို့က အဓိကလား
အဖြေမှန်ရှာဖို့က အဓိကလား

အမှားတွေ့ရင် ပြင်ပေးကြပါနော်

ကျေးဇူးတင်ပါတယ် ကိုဝဿန်ဦး။ နှင်းလဲ စာကိုရေးချင်ဇောပဲရှိပြီး သေသေချာချာ မလေ့လာမိလိုက်ပါဘူး။ ကိုယ်ရေးလိုက်တဲ့ စာကြောင့် ဖတ်တဲ့လူတွေ အမှတ်မှားသွားစေနိုင်တယ် ဆိုတာကို သတိထားရမှာပါ။ အခုလိုမျိုး နှင်း ရေးသားတာတွေကို တကူးတကလာဖတ်ပြီး လိုအပ်တာတွေကို ပြောပြပေးလို့လဲ ကျေးဇူးလဲတင် ၀မ်းလဲသာမိပါတယ်။ စာတစ်ခုကို ရေးခါနီးတိုင်း သေသေချာချာ လေ့လာပြီးမှ ရေးသင့်တယ်ဆိုတာကို စိတ်ထဲမှာ မှတ်သားထားလိုက်ပါတယ်။ နှင်း ဘလော့ကို လာရောက်လည်ပတ်ကြတဲ့ ညီအစ်ကိုမောင်နှမအားလုံးပဲ အရေးအသား အပြောအဆိုတွေမှာ အမှားပါခဲ့ရင် comment သို့မဟုတ် c box မှာပြောပေးကြပါလို့ မေတ္တာရပ်ခံပါတယ်။်

အမေနေ့ Motherday

“မေမေ”
ဒီစကားလေးတခွန်းက နှင်းတို့တွေ စကားပြောခါစ အရွယ်မှာ ပထမဆုံး သင်ကြားခွင့် ခေါ်ခွင့်ရခဲ့တဲ့ စကားလေးပါ။ ဘယ်တော့မှလဲ မရိုးသွားပဲ သေသည်အထိ လှိုက်လှိုက်လှဲလှဲ ခေါ်သွားရမယ့် လူတိုင်းလဲ ခေါ်ဆိုခဲ့ကြတဲ့ စကားလေးတခွန်းပါ။ ဟုတ်ပါတယ် လူတိုင်းမှာ မိခင်ဆိုတာရှိသလို သတ္တ၀ါတိုင်းမှာလဲ မိခင်ဆိုတာရှိပါတယ်။ လူတွေက အသိစိတ်ရှိလို့ မေမေ လို့ ခေါ်ကြသလို တိရိစ္ဆာန်လေးတွေလဲ သူတို့ဘာသာစကားအရ မေမေ လို့ခေါ်ကြမှာပါ။

အမေများနေ့ ကို မေလ ဒုတိယအပတ်ရဲ့ တနင်္ဂနွေလို့ သတ်မှတ်ထားပါတယ်။ အမေတွေကို ဂုဏ်ပြုတဲ့အနေနဲ့ သတ်မှတ်ထားတာပါ။ မိခင်ဆိုတဲ့အရာဟာ ဘာနဲ့မှ အစားထိုးလို့ မရပါဘူး။ နှင်း တို့တွေ လူဖြစ်လာဖို့အတွက် မိခင်ဟာ သူ့အသက်နဲ့ ရင်းပြီးမှ ရလာရတာပါ။ မိခင်ရဲ့မေတ္တာဟာလဲ ဘယ်အရာနဲ့မှ နှိုင်းလို့မရသလို မိခင်ကျေးဇူးကိုလဲ ဆပ်လို့မကုန်နိုင်ပါဘူး။ လူရယ်လို့ ဖြစ်မလာခင် မိခင်လုပ်သူဟာ ၀မ်းထဲမှာ ၉ လလွယ်ပြီးမှ ၁၀ လရောက်တဲ့အခါ ဖ၀ါး လက်နှစ်လုံး ပခုံးလက်နှစ်သစ် အရွယ် ကလေးငယ်လေးကို ဆင်းရဲ ပင်ပန်းမှုတွေ ကြားထဲက မွေးဖွားပေးခဲ့ရတာပါ။ မိခင်မေတ္တာ ဘယ်လောက်အထိကြီးမားသလဲဆိုရင် ခန္ဒာကိုယ်ထဲမှာ စီးဆင်းနေတဲ့ သွေးတွေဟာ သားသမီးကို ချစ်တဲ့ စိတ်တွေ သားသမီးအပေါ်ထားတဲ့ မေတ္တာကြောင့် ဘယ်အာဟာရနဲ့မှ ယှဉ်မရနိုင်တဲ့ အားအင်ပြည့်ဝလှတဲ့ နို့ရည်အဖြစ် ပြောင်းလဲသွားပါတယ်။ အဲဒီအချိန် ရောက်တော့လဲ ကိုယ်စားသမျှအစားအစာဟာ သားသမီးအပေါ်ကို ထိခိုက်နိုင်တဲ့အတွက် အစားအစာတွေကို ရှောင်ကြဉ်ကြရပြန်ပါတယ်။ ဒါတွေဟာ သားသမီးအပေါ်ထားတဲ့ မိခင်တယောက်ရဲ့ မေတ္တာတွေပါ။

“ကိုယ့်ကိုမွေးဖွားပေးခဲ့တဲ့ မိခင်ဟာ ဘာကြီးပဲဖြစ်နေပါစေ အမေဟာအမေပါပဲ။ မကောင်းတဲ့ မိန်းမတယောက် ဖြစ်နေရင်တောင် အမေဟာ အမေပါပဲ။” လို့ ဆရာကြီး ဘဘ ဦးသုခက ပြောခဲ့ပါတယ်။ ကိုယ့်အမေက ပညာမတတ်လို့ စရိုက်ကြမ်းလို့ အကျင့်စာရိတ္တမကောင်းလို့ ဆိုတာတွေ အကြောင်းပြချက်တွေနဲ့ မိခင်ကို ပစ်ပယ်ချင်စိတ်တွေ မဖြစ်သင့်သလို အဲဒီစိတ်တွေလဲ မထားကောင်းပါဘူး။ မိခင်ကျေးဇူး ဘယ်လောက်ကြီးသလဲဆိုရင် ဗုဒ္ဓမြတ်စွာဘုရားတောင် နို့တလုံးဖိုးပဲ ကျေအောင်ဆပ်နိုင်ပါတယ်။ နှင်းတို့လို လူသားတယောက်အနေနဲ့ ဆိုရင် နို့ရည်တစက်ဖိုးတောင် ကျေအောင်မဆပ်နိုင်ပါဘူး။ မိခင်ကျေးဇူးကို မဆပ်နိုင်ရင်တောင် ကျေးဇူးတော့ မကန်းမိအောင် နေရမှာပါ။

မြန်မာပြည်မှာ နေတုန်းက အမေများနေ့ကို အခုလောက်အထိ အရေးတယူလဲ သတိမထားမိပါဘူး။ အခုလိုလဲ သေသေချာချာ မစဉ်းစားမိပါဘူး။ ထိုင်ဝမ်ရောက်တော့မှ ဒီကလူတွေ မိခင်များနေ့ကို အရေးတယူပြုလုပ်ကြသလို အမေကိုလဲ အမှတ်တရပန်းစည်းလေးတွေ ကိတ်မုန့်တွေနဲ့ မိခင်ကြိုက်တဲ့ ပစ္စည်းလေးတွေ ၀ယ်ပေးတာတို့ အမေနဲ့အတူ မိတ်ဆုံစားကြတာတို့ အမှတ်တရ ပျော်ရွှင်စရာလေးတွေ ဖန်တီးပြီး မိခင်ကို ပျော်ရွှင်အောင် ပြုလုပ်ပေးကြပါတယ်။ မိခင်ကို အလေးထားကြောင်း ကျေးဇူးမမေ့ကြောင်းကို ဖော်ပြကြတဲ့ အလေ့အကျင့်လေးက အလွန်ကို ကြည်နူးဖို့ကောင်းသလို ကိုယ်တိုင်လဲ ကိုယ့်မိခင်ကို ပြုလုပ်ပေးသင့်ပါတယ်။ သားသမီးတွေက မမေ့မလျော့ ပြုလုပ်ပေးရင် အမေကလဲ စိတ်ထဲမှာ ပျော်ရွှင်ကြည်နူးရသလို ပီတိလဲ ဖြစ်ကြပါတယ်။

ကမ္ဘာပေါ်မှာရှိတဲ့အမေများအားလုံး စိတ်ချမ်းသာပျော်ရွှင်ကြပါစေလို့ ဆုတောင်းလိုက်ပါတယ်။

အမှားပြင်ဆင်ခြင်း...........ဗုဒ္ဓမြတ်စွာဘုရားက နို့တစ်လုံးးဖိုးပဲ ကျေပါတယ်လို့ မှားယွင်းစွာရေးသားမိပါတယ်။ အမှန်တော့ ဘုရားရှင်ဟာ နို့နှစ်လုံးဖိုးလုံး ကျေအောင်ဆပ်နိုင်ပါတယ် ဆိုတာကို အရှင်ဆန္ဒာဓိကက နို့နှစ်လုံးဖိုးလုံးကျေပါတယ် စာအုပ်မှာ ရေးသားထားပါတယ်။

်

Mother Day Gifts

သူငယ်ချင်းတွေအားလုံးအတွက် အမေနေ့မှာ မေမေ့ကို လက်ဆောင်ပေးရအောင် လိုချင်တာတွေ ယူသွားကြနော် မမေ့နဲ့နော်

မုန်တိုင်းဓာတ်ပုံများ

ဒီနေ့ညနေ ၈ နာရီ ၃၀ CNN သတင်းမှာ ကြော်ငြာသွားတာက သေဆုံးသူဟာ ၂၂၀၀၀ လောက်ရှိမယ်လို့ကြော်ငြာသွားပါတယ်။
မုန်တိုင်းဓါတ်ပုံတွေကို ဒီမှာနေရာ မှာကြည့်နိုင်ပါတယ်
video ကြည့်ရန်

မုန်တိုင်းသတင်းဓါတ်ပုံတွေ video တွေကို အစုံကြည့်ချင်ရင်တော့ ကိုတီး ဆီမှာသွားရောက်ကြည့်ရှုနိုင်ပါတယ်။

ကံဆိုးမသွားရာ မိုးလိုက်လို့ရွာ

မြန်မာပြည်ကို မုန်တိုင်းဝင်မယ် ဆိုတဲ့ သတင်းကို အွန်လိုင်းမှာ ဖတ်မိတော့ အခုလောက်အထိ ဆိုးရွားမယ်လို့ ထင်မထားခဲ့ဘူး။ ဘလော့တွေမှာ တွေ့ရတဲ့ ဓာတ်ပုံတွေကိုကြည့်ပြီး အလွန်စိတ်မကောင်းဖြစ်မိတယ်။ နဂိုကထဲက စီးပွားရေး အဆင်မပြေလို့ လူတွေ ဒုက္ခရောက်နေရတဲ့ အချိန်မှာ ဘာလို့များ မုန်တိုင်းက ထပ်ပြီး ဒုက္ခပေးလိုက်ရတာလဲ မသိတော့ပါဘူး။ ကံဆိုးမသွားရာ မိုးလိုက်လို့ရွာ ဆိုသလို ဒုက္ခတွေ ပင်လယ်ဝေနေတဲ့ မြန်မာပြည်သူတွေကို ထပ်ပြီးတော့ နာဂစ်က ပံ့ပိုးပေးလိုက်တာလား။ ရန်ကုန်မြို့ကြီးက မြို့ဟောင်းကြီးနဲ့ တူနေပြီလို့ လူပြောများလာလို့ မြို့သစ်ဖြစ်အောင် ဖန်တီးပေးလိုက်တာလားကွယ်။ ဘယ်လို အကြောင်းတွေကြောင့်များ မြန်မာပြည်သူတွေကို ဒုက္ခပေးလိုက်တာလဲ။ နှင်း တသက်မှာ ဒီတစ်ခါပဲ ရန်ကုန်ကို မုန်တိုင်းဝင်လို့ ပျက်စီးတာတွေကို ကြားဘူးတွေ့ဘူးတယ်။ လူအသေအပျောက်လဲ အရမ်းများတယ်လို့ ကြားရတယ်။ CNN သတင်းမှာတော့ လူ ၄၀၀၀ လောက်အထိသေနိုင်တယ်လို့ ကြော်ငြာသွားတယ်။ နိုင်ငံခြားမှာရောက်နေတဲ့ မိသားစုတွေကလဲ မြန်မာပြည်ကလူတွေအတွက် စိတ်သောကရောက်နေကြရပါပြီ။ ဆက်သွယ်ရေးတွေအားလုံး ပြတ်တောက်သွားတဲ့အတွက် ဘယ်လိုလုပ်ရမလဲဆိုတာ မစဉ်းစားတတ်တော့ဘူး ဖြစ်နေကြတယ်။ ဒီလို ပျက်စီးဆုံးရှုံးမှုတွေကို အကောင်းပကတိဖြစ်အောင် အချိန်အကြာကြီးယူပြီး ပြန်လည်ပြုပြင်ရမှာပါ။ လောလောဆယ် သောက်သုံးရေ ဒုက္ခရောက်နေရတယ်လို့ ကြားသိရတယ်။ အစားအသောက်တွေကြောင့် နောက်ထပ် ၀မ်းရောဂါပိုးတွေ တခြားရောဂါတွေ ထပ်မဖြစ်ပါစေနဲ့လို့ပဲ ဆုတောင်းနေမိတယ်။ အခုနေအချိန်ဆိုရင် ရန်ကုန်မြို့မှာ မှောင်အတိကျပြီး လူတွေပူဆွေးသောက ရောက်နေလောက်ပြီ။ မြန်မာပြည်က လူတွေနဲ့ ထပ်တူ ခံစားမိပါတယ်။ မြန်မာပြည်သူတွေရဲ့ ဘ၀ အမြန်ဆုံး အေးချမ်းသာယာနိုင်ပါစေလို့ ဆုတောင်းမိပါတယ်။

အခွင့်အရေး(အရေးပေးမှု)

အခွင့်အရေးရှိတယ်။ ရပိုင်ခွင့်ရှိတယ် ဆိုတဲ့စကားတွေကို အမြဲကြားနေရပါတယ်။အခွင့်အရေးဆိုတာကလည်း တောင်းတိုင်းမရသလို ပေးတိုင်းလဲ ယူလို့ကောင်းတဲ့အရာ မဟုတ်ပါဘူး။ ကိုယ်ကအခွင့်အရေးလိုချင်တိုင်း တဖက်လူက ပေးလို့ရမှ ပေးမှာပါ။ တောင်းတဲ့သူက တောင်းတိုင်းပေးလို့မရတဲ့ အရာတွေလည်ှးရှိပါတယ်။ တောင်းတဲ့လူက ကိုယ့်အတွက်ပဲကြည့်ပြီးတောင်းမှာပါ။ ပေးရမယ့်သူက အဲဒီအခွင့်အရေးကို ပေးလိုက်ရင် နောက်ဆက်တွဲ ဘာတွေဖြစ်လာမလဲဆိုတာ စဉ်းစားရပါတယ်။ အလုပ်ခွင်တစ်ခုမှာ အထက်အရာရှိက လူတစ်ယောက်ကို တော်လို့ အခွင့်အရေးပေးလိုက်ရင် ကျန်တဲ့လူတွေက သူတော်လို့ အခွင့်အရေးပေးတယ်လို့ တွေးတတ်ရင်တော့ ဘာမှမဖြစ်ပေမယ့် အမြဲတမ်းပေးနေရင် ကျန်တဲ့လူတွေက ဘယ်လိုတွေပြောမလဲ။ ဘာတွေထင်ကြမလဲ။ ကိုယ့်တယောက်အတွက်နဲ့ ကိုယ့်ကို အရေးပေးတဲ့ လူကို အနေခက်အောင် လုပ်လိုက်သလိုဖြစ်သွားပါတယ်။

မိဘက သားသမီးတွေကို ချစ်လို့အလိုလိုက်ပြီး သားသမီးပူဆာတိုင်း လိုက်လုပ်ပေးမှာပါ။ မိတ်ဆွေ အပေါင်းအသင်းတွေကလည်း ကိုယ့်ကိုခင်လို့ချစ်လို့ ကိုယ့်အလိုကို လိုက်မှာပါပဲ။ ဒီအခွင့်အရေးကို အမြဲယူလို့မကောင်းပါဘူး။ ပေးနေတဲ့သူက ပေးပေမယ့် ယူတဲ့သူကလည်း အလိုက်သိရမှာပါ။ အဲဒီလိုမှမဟုတ်ပဲ တချိန်လုံး ဒီလိုအခွင့်အရေးတွေ ယူနေမယ်ဆိုရင် ကြာလာရင် ကိုယ့်ရဲ့စိတ်ဓါတ်ကို လာထိခိုက်နိုင်ပါတယ်။ အခွင့်အရေးဆိုတာကို မျှော်တတ်တဲ့ စိတ်တွေဖြစ်လာနိုင်ပါတယ်။ ကိုယ့်ကို အခွင့်အရေးပေးမှ ကျေနပ်နိင်ပါမယ်။ အဲဒီလို အရေးမပေးမိတဲ့အခါ ကိုယ့်ကို အခွင့်အရေးမပေးတဲ့လူကို အမြင်မကြည်မလင် ဖြစ်လာပါမယ်။

အဲဒီစ်ိတ်က ကလေးဘ၀ထဲကရှိပါတယ်။ ကလေးတယောက်က လိုချင်တာကိုပူဆာရင် သူ့အလိုကိုလိုက်ရင် အဲဒီလူနားမှာပဲ ကပ်နေပါတယ်။ သူ့အလိုမလိုက်တဲ့လူကို မချစ်ဘူးလို့ပြောပြီး အနားမကပ်တော့ပါဘူး။ ဒါက ကလေးသဘာဝပါ။ ကလေးတယောက်ရဲ့ စိတ်မှာတောင် ကိုယ့်အလိုကိုလိုက် ကိုယ့်ကို အခွင့်အရေးပေးမှ ကြိုက်ပါတယ်။ လူကြီးတွေဆိုရင် ပိုလို့တောင်ဆိုးပါတယ်။ ကလေးဆိုတာက ဘာမှမသိသေးပါဘူး။ လူကြီးတယောက်က အရာရာကို နားလည်နေတဲ့အတွက် အခွင့်အရေးဆိုတာကို ပိုပြီးလိုချင်တတ်ကြပါတယ်။

့
အခွင့်အရေးဆိုတာကလည်း သူ့နေရာနဲ့သူ ယူတတ်ရပါတယ်။ ဘာမဟုတ်တာလေးတွေနဲ့ အခွင့်အရေးတွေ အမြဲယူနေပြီး ကိုယ်တကယ် အရေးတကြီးလိုလာမှ အဲဒီအခွင့်အရေးတွေ မရတော့ရင် အလွန်နှမျောဖို့ ကောင်းပါတယ်။ အခွင့်အရေးဆိုတာ အမြဲတမ်းရနေတဲ့ အရာမဟုတ်တဲ့အတွက် ဖြစ်ပါတယ်။ အခွင့်အရေးဆိုတာကို သူ့နေရာနဲ့သူ အသုံးချတတ်ရင် ဘ၀မှာ အထောက်အကူ အများကြီးဖြစ်နိုင်ပါတယ်။

snow

လူတိုင်းမှာ စိတ်ကူယဉ် အိမ်မက်ရှိကြပါတယ်။ နှင်း လဲလူထဲက လူတယောက်ဆိုတော့ စိတ်ကူး ယဉ်တတ်တာပေါ့နော်။ အင်း စိတ်ကူးက တခြားလူတွေလို ဘာကြီးဖြစ်ချင်တယ် ဘာလုပ်မယ် ဆိုတာတွေတော့ ရှိပါတယ်။ အဲဒါတွေထဲကမှ နှင်း ရဲ့စိတ်ကူးလေးကတော့ နှင်းတွေကျနေတဲ့ အချိန်မှာ ဆော့ကစားချင်တဲ့ စိတ်ကူးလေးပါပဲ။ မြန်မာပြည်မှာ နေနေရတဲ့ နှင်း အတွက်တော့ ဒါဟာစိတ်ကူးယဉ်မှုတစ်ခုပါပဲ။ နှင်းတွေရှိတဲ့ နေရာမှာနေနေတဲ့ လူတွေကို အရမ်းအားကျတယ်။ ဓါတ်ပုံတွေကြည့်ပြီး ပျော်နေတတ်တာကတော့ နှင်း ရဲ့ရူးသွပ်မှုတခုပါပဲ။

နှင်း တွေကဖြူစင်တယ်။ အေးချမ်းတယ်။ နူးညံ့တယ်။ မာကျောတယ်။ အပူနဲ့တွေ့လိုက်ရင် အရည်ပျော်ပြီး ဘာမှမရှိတော့ဘူး။ ဒါတွေက ဘေးကနေ ထိုင်ကြည့်နေတဲ့ လူတစ်ယောက်ရဲ့ အမြင်တွေပါ။ အဲဒီလိုပဲ နှင်း တွေက ကြောက်စရာလဲ ကောင်းတယ်။ လူတစ်ယောက်ကို အေးခဲပြီးသေစေနိုင်တယ်။ လူတွေကို ပျော်ရွှင်အောင် ဖန်တီးပေးသလို ကြောက်စရာကောင်းလောက်အောင်လဲ ဒုက္ခပေးတတ်တယ်။ လမ်းတွေပိတ်အောင် တားဆီးထားတတ်သလို လူတွေအလုပ်ရှုပ်အောင်လဲ လုပ်တတ်တယ်။ နှင်းတောထဲသွားဖို့အတွက် အကာအကွယ်တွေဝတ်ရတယ်။ ဘာမှမလိုပါဘူးဆိုပြီး မကာကွယ်ရင် ဒုက္ခရောက်တာ့တာပါပဲ။

နှင်းဆိုတာက အပြင်ပန်းကြည့်ရင် လှပနေတယ်။ နူးညံ့နေတယ်လို့ ထင်ရပေမယ့် အေးစက်မာကျောပြီး အန္တရာယ်များပါတယ်။ ဒါပေမယ့် နေရောင်ခြည်ရဲ့ အပူဒဏ်ကိုတော့ အံမတုနိုင်ပဲ သူလဲ အရည်ပျော်ရတာပါပဲ။ ဒါပေမယ့် အဲဒီလို နှင်းတွေကိုမှ ချစ်တယ်။ နှင်းတွေကြားထဲမှာ ဆော့ကစားချင်တယ်။ အဲဒီဒဏ်တွေကို ခဏလောက် ခံစားကြည့်ချင်တယ်။ နှင်းတွေရှိတဲ့ နိုင်ငံတခုခုကို သွားဖြစ်အောင် သွားမယ်လို့ စိတ်ကူးထားတယ်။ ကံကြမ္မာက အခွင့်အရေးပေးခဲ့ရင်တော့ နှင်း ချစ်တဲ့ snow တွေကို ထိတွေ့ခွင့် ရမှာပါနော်။

နှိုင်းမရတဲ့အရာ

မိဘမေတ္တာ ဆိုတာ ဘာနဲ့မှနှိုင်းမရတာ လူတိုင်းသိပါတယ်။ သားသမီးလေးတွေအပေါ်မှာ ထားထားတဲ့ မေတ္တာဟာ အလွန်အေးမြသလို သားသမီးတွေအတွက်လဲ အားတစ်ခုပါပဲ။ ကလေးဘ၀တုန်းကလည်း ကလေးလေးမိုလို့ စိုးရိမ်စိတ်ကလေးနဲ့ ချစ်ကြ ဂရုစိုက်ကြသလို အရွယ်ရောက်ပြန်တော့လဲ အမှားတွေမဖြစ်အောင် စိုးရိမ်ပူပန်မှုတွေနဲ့ ချစ်ကြရပြန်တယ်။ မိဘတွေမှာ သားသမီးတစ်ယောက်ကို မွေးဖွားလာပြီဆိုတဲ့ အချိန်ကနေ သူတို့တွေ လူ့လောကကနေ မထွက်ခွာခင် နောက်ဆုံးအချိန်ထိ ချစ်တဲ့စိတ်တွေနဲ့ ဘာမဆို သားသမီးအတွက် စဉ်းစားပြီး ဘ၀ကိုဖြတ်သန်းနေကြရတယ်။

သားသမီးတွေကတော့ ကလေးဘ၀ကနေစပြီး မိဘတွေအပေါ်မှာ နွဲ့ဆိုးတွေဆိုးခဲ့ မိဘမှာရှိတာ မရှိတာမသိခဲ့ဘူး ကိုယ်လိုချင်တာတွေကိုပဲ ပူဆာတတ်ခဲ့တယ်။ မိဘ ဘာတွေဖြစ်နေတယ်ဆိုတာကို ခေါင်းထဲမှာ ထည့်မစဉ်းစားခဲ့ဘူး။ မိဘတွေကတော့ ဘာအလုပ်ကိုပဲ လုပ်လုပ် သားသမီးအတွက် ဆိုတာကို ခေါင်းထဲမှာ အမြဲစဉ်းစားပြီးမှ လုပ်ခဲ့တယ်။ ကိုယ်သဘောကျတဲ့ အရာတစ်ခု လုပ်ချင်လာရင်တောင် ငါ့သားသမီးတွေကို ထိခိုက်မလားရယ် ဆိုတဲ့ စိုးရိမ်စိတ်ကလေးနဲ့ မလုပ်ပဲ နေတတ်ကြပါတယ်။ သားသမီးတွေကတော့ ငါလုပ်ချင်ရင်လုပ်မှာပဲဆိုတဲ့ စိတ်နဲ့ ဘာမှစစဉ်းစားပဲ လုပ်တတ်ကြတယ်။

မိဘကြောင့် သားသမီး မျက်ရည်ကျရတယ်ဆိုတာ ရှားပါတယ်။ မိဘကဆူလိုက်လို့ ၀မ်းနည်းပြီးကျတဲ့ မျက်ရည်ကတော့ လူတိုင်းမှာ ဖြစ်တတ်ပါတယ်။ ဒါပေမယ့် သားသမီးကြောင့် မိဘ မျက်ရည်ကျရပြီဆိုရင်တော့ ကိုယ့်အတွက်လဲ မကောင်းသလို မိဘတွေအနေနဲ့လဲ အလွန်ကို ၀မ်းနည်းရပြီး စိတ်ထဲမှာလဲ ခံစားမှုအမျိုးမျိုး အတွေးအမျိုးမျိုးနဲ့ ဖြစ်နေတတ်ပါတယ်။ အရွယ်ရောက်လာလို့ ကိုယ်လုပ်ချင်တာကို မိဘတွေက တားမြစ်လိုက်ရင် စိတ်ဆိုးပြီး ဆန္ဒတွေအမျိုးမျိုးပြတတ်ကြတာက သားသမီးတိုင်း လုပ်တတ်ကြပါတယ်။ အဲဒီအခါမှာ မိဘတွေက စိတ်ထဲမှာ ပျော်လို့တားမြစ်လိုက်တယ်လို့ မထင်ပါနဲ့။ ကိုယ်ကအဲဒီလိုတွေ လုပ်နေတာကို မိဘတွေ ကြည့်ပြီး ရင်ထဲမှာ သူတို့လဲ ကိုယ်နဲ့ထပ်တူဝမ်းနည်းနေရတယ်။ ငါတို့တားမြစ်လိုက်လို့ သူတို့လေးတွေ စိတ်ညစ်ရပြီဆိုတဲ့ အတွးတွေက သူတို့ကိုနှိပ်စက်နေပြီလေ။

ပညာစုံလို့ ကြင်ယာရှာတဲ့ အရွယ်ရောက်လာတော့ တစ်ခါပူရပါပြီ။ သားသမီးတွေရဲ့ တစ်ဘ၀စာမိုလို့ အရာရာထက်ကို ပိုပြီး ဂရုတစိုက်နဲ့ စိုးရိမ်စိတ်က ပိုများလာပါတယ်။ သင့်တော်ပါ့မလား အဆင်ပြေပါ့မလား ဆိုတာကတစ်မျိုး။ သားသမီးလေးတွေဘ၀ အစကောင်းပါ့မလားဆိုတာတွေနဲ့ သူတို့ရင်ထဲက အပူမီးက ဘာနဲ့မှ နှိုင်းလို့မရတော့ပါဘူး။ သားသမီးတွေ အိမ်ထောင်ပြုရင် မိဘတွေ မျက်ရည်ကျရတယ်တဲ့။ ဟုတ်ပါတယ်။ ကိုယ့်ရင်ကနေ မွေးထုတ်ပြီး တယုတယ ပြုစုခဲ့တဲ့ ကလေးလေးတစ်ယောက် အရွယ်ရောက်လာတော့ အဝေးကိုထွက်သွားတော့မယ်ဆိုတဲ့အသိက ရင်ထဲမှာ မချိအောင် ခံစားရမှာပါ။ ဒါတွေကို အခုနေ မသိသေးပေမယ့် ကိုယ်တိုင်မိဘ ဖြစ်လာတဲ့ တစ်နေ့ကြရင် ပိုပြီးခံစားနားလည်တတ်လာမှာပါ။

မိဘက စိုးရိမ်လို့တားမြစ်တာကို နှင်း တို့တွေက ချုပ်ခြယ်တယ်လို့ ထင်မိပါတယ်။ နှင်း တို့တွေမသိနိုင်တဲ့ အမှားတွေကို မိဘတွေက ကြိုသိလို့ တားမြစ်တာပါ။ ဒါတွေကို ငယ်ဘ၀ကမသိခဲ့ဘူး။ အခုနေရောက်လို့ ပြန်စဉ်းစားမိမှ အဲဒီတုန်းက မိဘတွေတားမြစ်ခဲ့တာ မှန်တယ်လို့ နားလည်လာခဲ့တယ်။ မိဘတစ်ယောက် လုပ်နိုင်ဖို့ဆိုတာ တကယ်မလွယ်ပါဘူး။ ကိုယ့်အတွက်ဆိုတာထက် အရာရာကို သားသမီးအတွက် ပေးဆပ်ရဲတဲ့ သူတွေပါ။ မိဘကျေးဇူးဆိုတာ ဆပ်လို့မကုန်နိုင်ပါဘူး။ နှင်း တို့တွေလုပ်နိုင်တာက မိဘစကားကို နားထောင်ပြီး မိဘတွေကို အတတ်နိုင်ဆုံးစိတ်ချမ်းသာအောင် ထားနိုင်ဖို့ပါပဲ။