အလုပ်ထဲရောက်နေတော့လဲ အလုပ်ထဲကအတွေ့အကြုံလေးတွေကို ပြောပြချင်တယ်။ မြန်မာနိုင်ငံမှာနေတုန်းက သူများဆီမှာ အလုပ်မလုပ်ဘူးတော့ ဘယ်လိုနေရမယ်။ ဘယ်လိုလုပ်ရတယ်ဆိုတာမသိဘူး။ အပြောအဆိုကလဲမတတ်ဘူးပေါ့။ အလုပ်ထဲစရောက်တော့ အားလုံးရှေ့မှာ ဘာမှမသိတော့ ကြောက်တာပေါ့နော်။ သင်ပေးသမျှ ခိုင်းသမျှကို အကုန်လိုက်လုပ်ပေးတာ။ အဲဒီမှာစပြီးသိလိုက်တာက အသစ်ဝင်လာတဲ့လူဆိုရင် လူဟောင်းတွေက နှိမ်ပြီးခိုင်းတော့တာပဲ။ ကိုယ်ကလဲ ဘာမှမသိတော့ နှိမ်လို့နှိမ်မှန်းမသိဘူး။ ကိုယ်မှမတတ်တာပဲလေဆိုပြီး အကုန်လုပ်ပေးတာ။ နောက်တစ်ခုက လူအသစ်ကို ပညာတစ်ခုသင်ပေးလိုက်ရင် လူဟောင်းတွေက မကြိုက်ကြဘူး။ သူတို့ထက်ပိုတတ်သွားမှာကို တွေးပြီးကြောက်ကြတယ်။ ကိုယ်တတ်တဲ့ဟာကို သူတစ်ပါးကိုမသင်ပေးချင်ကြဘူး။ သူတို့ရဲ့နေရာကို ဖယ်ပေးရမှာကြောက်နေကြတယ်။တစ်ကယ်ဆိုရင် လူတစ်ယောက်ဟာ ဒီအလုပ်ကိုတစ်သက်လုံးလုပ်မှာမှ မဟုတ်တာ။နောက်အလုပ်တစ်ခုအဆင်ပြေရင် ပြောင်းကြမှာပါ။ ကိုယ်ပိုင်ဆိုင်တဲ့အလုပ်လဲမဟုတ်ပါဘဲ လုပ်ဖော်ကိုင်ဖက်တွေကို ဘာလို့များလက်တွဲမခေါ်ချင်ကြတာလဲ။ ကိုယ်ကလုပ်တာနှေးနေပေမယ့် တွဲလုပ်တဲ့လူကမြန်နေရင်လည်း မကြိုက်ကြပြန်ဘူး။ အလုပ်ထဲမှာကြာလာတော့ အလုပ်အကြောင်းတွေကို သိလာသလို လူတွေရဲ့စိတ်ကိုလဲ သိလာတယ်။ ကြာလာတော့လဲ သူတို့နဲ့ လိုက်လျောညီထွေ ဖြစ်အောင်ကိုယ့်ကိုကိုယ်ပဲ ဆုံးမရတော့တယ်။ မသိခင်တုန်းကဆိုရင် နေ့တိုင်းကို စိတ်ညစ်နေရတယ်။ အဲဒီလိုလူနဲ့ တွဲလုပ်ရမယ်ဆိုတာသိတာနဲ့ မျက်နှာကချက်ချင်းပျက်သွားတာ။ ကြာတော့ သူတို့ကလဲရိပ်မိလာတယ်။ ငါ နဲ့တွဲလုပ်ရမှာမိုလို့ မျက်နှာပျက်တာလားဆိုပြီး ခဏခဏ အမေးခံရတော့ သူတို့ကိုအားနာလာတယ်။ နောက်ကြတော့လဲ စိတ်ထဲမှာဘာမှကို မတွေတော့ပဲ ငါ့တာဝန်ငါကျေရင်ပြီးတာပါပဲဆိုပြီး စိတ်ကိုပြောင်းယူလိုက်မှပဲ အဆင်ပြေတော့တယ်။ သူတို့ဆီမှာ ဘယ်လိုအတွေး ဘယ်လိုစိတ်တွေပဲထားနေပါစေ ကိုယ်လုပ်ရမယ့် အလုပ်တာဝန်ကို ကျေပွန်ဖို့ကအရေးကြီးပါတယ်။
No comments:
Post a Comment