ဒီတစ်လလုံး နားရက်ဆိုတာ ဘယ်လိုနေမှန်းတောင် မသိလိုက်ပါဘူး။ what is weekend? လို့တောင် မေးရမလိုဖြစ်နေပါတယ်။ အရင်ဆိုရင် တနင်္လာကနေ သောကြာအထိအလုပ်လုပ်မယ် ပြီးရင် စနေဆိုရင် ဘယ်သွားမယ် ဘာလုပ်မယ်ဆိုတဲ့ အတွေးကအမြဲရှိပါတယ်။ တခါတလေ သောကြာဆိုရင် စနေနေ့အတွက် ကြိုပြီးစီစဉ်တတ်ပါတယ်။ သူငယ်ချင်းတွေနဲ့အပြင်သွားမယ်ဆိုတဲ့ စိတ်ကူးလေးတွေလဲ ရှိတတ်ပါတယ်။ ဒီတလတော့ ဘယ်စိတ်ကူးမှ ခေါင်းထဲမထည့်နိုင်ပဲ စနေနေ့လဲ အလုပ်ထဲမှာပဲ အချိန်ကုန်ရပါတယ်။ နားရက်က တနင်္ဂနွေတရက်ထဲ ဖြစ်နေတဲ့အတွက် အိမ်အလုပ်တွေနဲ့ အချိန်ကုန်သွားပါတယ်။ တပတ်လုံးပင်ပန်းသမျှ နားမယ်လို့စိတ်ကူးထားပေမယ့်လည်း မလုပ်မဖြစ် အိမ်အလုပ်တွေက လုပ်နေရတော့ နားချိန်ဆိုတာ မရှိသလောက် ဖြစ်နေတယ်။ လူကတော်တော်မောနေတော့ နားရက်ဆိုတာကို လိုချင်မိပါတယ်။ အေးအေးဆေးဆေးလေး နားချင်မိတယ်။
ထိုင်ဝမ်ပြန်ရောက်ပြီး အလုပ်အသစ်ရှာနေတုန်း အိမ်မှာ ၁ ပတ်လောက်နားနေတုန်းကတော့ မနားချင်လို့ အလုပ်မြန်မြန်ရဖို့ ဆုတောင်းမိပါတယ်။ အရင်အလုပ်ကို ပြန်မလုပ်ချင်လို့ အသစ်ရှာလိုက်တာ အခုတော့ မနားရပဲ မောနေရပြီ။ အဲဒီတုန်းက အဒေါ်ပြောတာကို မှတ်မိတယ်။ အလုပ်မြန်မြန်ရပါစေ ဆုတောင်းနေတယ်။ နားခွင့်ရတုန်းနားထားနော်။ အလုပ်ရတော့မှ နားချင်လို့မရဘူးတဲ့။ အခုတော့ သူပြောသလိုပါပဲ။ မရတုန်းကလဲ အလုပ်မြန်မြန်ရချင်တယ်။ အလုပ်ရပြန်တော့လဲ မနားရတော့ နားချင်ပြန်တယ်။ အခုတော့ weekend လေးကို တန်ဖိုးထားတတ်လာပါတယ်။
No comments:
Post a Comment