လူတစ်ယောက် စိတ်ထဲမှာ ခံစားရတာဟာ မျက်နှာမှာ ပေါ်တယ်ဆိုတာ လူတိုင်းသိပါတယ်။ ဘယ်လောက်ပဲ ဟန်ဆောင်ကောင်းပါတယ် ပြောပါစေ သူ့မျက်လုံးက အရောင်ကို ကြည့်ရင် သိနိုင်ပါတယ်။ စိတ်ကပျော်နေမယ်ဆိုရင် မျက်လုံးမှာလဲ ပျော်ရွှင်တဲ့ အရောင်ကို တွေ့နိုင်ပါတယ်။ စိတ်ညစ်နေရင်လဲ မျက်လုံးကအရောင်က သိသာပါတယ်။ ကိုယ်က ပျော်ရွှင်နေရင် ကိုယ့်ဘေးမှာရှိနေတဲ့ မိသားစု သူငယ်ချင်းတွေလဲ ကိုယ်နဲ့အတူ ပျော်ရွှင်မှုကို ခံစားကြရပါတယ်။ ကိုယ်ကစိတ်ညစ်နေရင် ကိုယ့်ဘေးကလူတွေလဲ စိတ်ညစ်နေရမှာပါ။ သူတို့နဲ့ ဘာဆိုင်လို့လဲ မမေးလိုက်ပါနဲ့။ သင်ကိုယ်တိုင်လည်း ဒီလိုမျိုး ခံစားဘူးမှာပါ။ သင့်မိဘ သူငယ်ချင်းတွေ စိတ်ညစ်နေရင် သင်ကိုယ်တိုင်ရော စိတ်ကပျော်နေနိုင်ရဲ့လား။ စိတ်ဆိုတာကလဲ အချိန်နဲ့အမျှ ပြောင်းလဲနေတတ်တော့ ထိန်းသိမ်းဖို့တကယ်ကို ခက်ပါတယ်။ ကိုယ့်စိတ်ကို ထိန်းသိမ်းနိုင်အောင် ဘာသာရေး အဆုံးအမတွေကိုလဲ ခံယူသင့်တယ်။ ကိုယ်ယုံကြည်ကို ကိုးကွယ်ရာ ဘာသာရဲ့ ထိန်းသိမ်းမှုအောက်ကနေ ကိုယ့်ရဲ့စိတ်ကို ပြုပြင်ရမှာပါ။ စိတ်ဆိုးတယ် စိတ်ကောက်တယ်ဆိုတာ လူတိုင်းမှာရှိပါတယ်။ စိတ်ဆိုးရင်ဒေါသဖြစ်ရင် ကိုယ်ပဲပင်ပန်းရတယ်။ ကိုယ်ပဲ ပူလောင်ရတယ်။ ကိုယ်ခံစားရတာကို ဘေးလူက သိပဲသိတာ။ သူတို့က ဘာမှ ခံစားရတာ မဟုတ်ဘူး။ စိတ်ကောက်တယ် ဆိုပြီးလူတိုင်းပြောတတ်ကြတယ်။ စိတ်ကောက်တယ်ဆိုတာကို တစ်ချို့က ကလေးဆန်တဲ့အကျင့်လို့ ယူဆချင်ယူဆကြမယ်။ ဒါပေမယ့် ခဏခဏ စိတ်ကောက်နေမယ်ဆိုရင် ကိုယ့်ပတ်ဝန်းကျင်က လူတွေအတွက် စိတ်အနှောင့်အယှက် ဖြစ်စေပါတယ်။ ၁၀ ခါတစ်ခါလောက် ဖြစ်မယ်ဆိုရင် ဘာမှမဖြစ်ပေမယ့် ခဏခဏ ဖြစ်နေရင်တော့ အဲဒီလူကို စိတ်ပျက်လာမှာပါ။ ကြာတဲ့အခါကြတော့ သူကအမြဲတမ်း ဒီလိုပဲ ဂရုစိုက်မနေနဲ့ ပစ်ထားလိုက် ဆိုပြီး ပြောဆိုကြပါတယ်။ စိတ်ကို တတ်နိုင်သမျှ ဘာပူပင်မှုမှ မရှိအောင် ထားတတ်ရင် အကောင်းဆုံးပါ။ ကိုယ့်ကို ဒီလိုပြောသွားလို့ ပြန်ပြောရမှ ကျေနပ်မယ် ဆိုတာမျိုးတွေ မထားမိစေနဲ့နော်။ အဲလိုထားမိရင် စိတ်ထဲမှာလဲ သူတစ်ပါးကို မကျေနပ်တဲ့စိတ် ဒေါသစိတ်တွေနဲ့ လူကအရမ်းကို ပူလောင်ပါတယ်။ ကိုယ့်ကို ပူလောင်အောင်လဲ ကိုယ့်စိတ်ကပဲလုပ်နေတာပါ။ လူဘ၀မှာ ခဏတာနေရတဲ့ အချိုန်လေးမှာ စိတ်ကို ငြိမ်းချမ်းအောင် ပြုပြင်နေထိုင်သွားနိုင်မှ ရခဲလှတဲ့ လူ့ဘ၀မှာ နေလို့လဲပျော် သေလို့လဲပျော်မှာပါ။
(ဒေါသ မောဟ မာန်မာန တွေနဲ့ ကင်းဝေးကြပါစေ)
ု
No comments:
Post a Comment