“လယ်ထွန်သွား နွားမေ့” ဆိုတဲ့ စကားပုံက နှင်း အတွက်များ ပြောထားတာလား အောက်မေ့မိတယ်။ အလုပ်တစ်ခု လုပ်မယ်ဆိုပြီးလုပ်ရင် အဲဒီလုပ်ရမယ့် အလုပ်နဲ့ဆိုင်တဲ့ဟာတွေကို အမြဲတမ်းမေ့တတ်လို့ပါ။ မနက်လင်းလို့ရှိရင် အိမ်ကထွက်တာနဲ့ အိမ်သော့ကိုမေ့ပြီး အိပ်ခန်းထဲမှာ ထားခဲ့တတ်တယ်။ အိမ်သော့ ပြန်ယူပြီးတာနဲ့ အိမ်အောက်ရောက်လို့ အိတ်ထဲကြည့်လိုက်ရင် ဖုန်းမေ့လို့ တစ်ခါပြန်တက်ယူရတယ်။ တစ်ခါတစ်လေ အလုပ်ထဲမှာ ၀တ်တဲ့ ၀တ်စုံမေ့ပြီး အိမ်မှာထားခဲ့လို့ ဒဏ်ငွေကလဲ ဆောင်ရသေးတယ်။ မာမားက ဈေးဝယ်ခိုင်းလိုက်ရင် တစ်ခုမဟုတ်တစ်ခု မေ့ပြီးမ၀ယ်ခဲ့ဘူးလေ။ အဲဒီလိုတွေမေ့တာကို နှင်း ကလဲ ကိုယ့်အပြစ်ကိုယ် မ၀န်ခံချင်ဘူးလေ။ operation လုပ်တုန်းက မေ့ဆေးပေးခံရလို့ပါလို့ ပြောတတ်သေးတယ်။ အမှန်က ကိုယ့်ဘာသာ နမော်နဆ နိုင်တတ်တာပါ။ တစ်ခါတစ်လေ စိတ်ကလောနေတာကြောင့်လဲ ပါတယ်။ ဖြစ်ချင် လုပ်ချင်တာတွေများနေတော့ တစ်ခုမဟုတ်တစ်ခုကို မေ့သွားတာပါ။ အဲဒါကြောင် ခုနောက်ပိုင်း စိတ်မလောအောင် ကိုယ့်ကိုကိုယ် ပြုပြင်နေရတယ်။ တော်ကြာကိုယ်ဟာကိုယ် မေ့သွားမှာဆိုးလို့။ နောက်ပြီး တစ်ယောက်ယောက်ကိုများ မေ့သွားခဲ့ရင် ဘယ်လိုလုပ်မလဲနော်။
No comments:
Post a Comment